Әлмәт шәһәренең 25нче мәктәбендә Татарстан журналистлар берлеге һәм Язучылар берлеге әгъзасы, Татарстанның атказанган мәдәният хезмәткәре, Шамил Бикчурин һәм Саҗидә Сөләйманова исемендәге премия лауреатлары Рәмзия Габделхакова белән очрашу узды. Әлеге чара Әлмәт муниципаль районы китапханәчеләре семинары кысаларында үткәрелде.
Очрашуда язучының шигырьләре укылды, аның сүзләренә язылган җыр яңгырады. Ә менә авторның “Китаплар югалган көн” пьесасын нәкъ менә безнең укучыларның беренче тапкыр сәхнәгә чыгаруы аеруча куанычлы булды, ди очрашуны оештыручылар.
Укучылар Рәмзия Габделхаковага үзләрен кызыксындырган сорауларны бирделәр, әсәрләре белән танышып киттеләр. Чын мәгънәсендә җылы узган әлеге очрашу укучылар күңелендә бик озак сакланыр.
Казанның 180 нче полилингваль гимназиясендә Рәдиф Сәгъди һәм Эльмира Шәрифуллина белән очрашу булды.
Очрашуда Тукайнын 135 еллыгы унаеннан, балалар үзләре Тукай әсәрлэреннән сәхнәләштерелгән өзекләр күрсәттеләр. Аннан сүз язучыларга һәм кунакларга бирелде.
Баулы мәдәният сараенда Рәшит Әхмәтҗанның тууына 80 ел уңаеннан әдәби кичә үтә. Казаннан язучылар Ркаил Зәйдулла, Газинур Морат, Мәскәү язучысы Илдар Әбүзәрев катнаша.
26 апрель көнне бөек шагыйребез Габдулла Тукайның 135 еллыгы уңаеннан Абдулла Алиш исемендәге 20 нче гимназиядә “Тукай безнең күңелләрдә” исемле әдәби-музыкаль кичә узды. Чарада Татарстанның халык шагыйре, Һ.Такташ,Г. Тукай премияләре лауреаты Рәдиф Гаташ һәм Абдулла Алиш премиясе лауреаты, язучы Дания Гәйнетдинова, шагыйрә Рәхимә Арсланова катнаштылар.
Кереш сүз – Татарстан Язучылар берлеге рәисе Ркаил Зәйдулла. (далее…)
22 апрельдә Нурлат шәһәренең Мәдәният йортында Татарстан Язучылар берлеге әгьзасы Татарстан Республикасының атказанган мәдәният хезмәткәре, Нурлатның мактаулы гражданины Илдус Диндаровның “Торна күзе” һәм “Кояшлы көннәрем, айлы төннәрем” исемле китаплары чыгу уңаеннан әдәби-музыкаль кичә булды. (далее…)
Апас районы Борнаш авылы музеенда Тукай көннәренә багышланган кичә булды. Очрашуда мәктәп балалары, укытучылар һәм Казаннан килгән язучылар Хәбир Ибраһим һәм Альберт Гаделшин катнашты. Кичәдә шигырьләр укылды, иллюзия трюклары күрсәтелде. Кичәне музей директоры Искәндәр Минһаҗев оештырды.
Санкт-Петербургта Тукай көне кысаларында үткәрелгән әдәби-музыкаль кичәдә Татарстанның халык шагыйре Разил Вәлиев тә катнаша.
Буада яшь каләм ияләренә Ренат Харис премияләрен тапшыру тантанасында бер төркем татар язучылары, әлеге төбәктән чыккан атаклы кешеләр катнаша.
Балтачта Тукай көннәре бара. Татарстан язучылар берлегеннән бер төркем язучылар Балтач районы башлыгы белән күреште.
Сосна Пүчинкәсе зиратында Тукайның әнисе Бибимәмдүдә абыстай каберен зиярат кылды. Шулай ук Югары Субаш авылының мәктәп укучылары белән очрашты.
kazanutlary.ru
Лениногорск шәһәренең Г.Тукай исемендәге Үзәк китапханәсендә очрашу узды. Очрашу туры эфирда, онлайн форматта барды. Җылы, матур очрашуны шагыйрь, публицист, укытучы, РФ мәктәпләренең мәгариф отличнигы, Ш.Бикчурин, С. Сөләйманова исемендәге әдәби премияләр лауреаты Таһир Шәмсуаровның шигырьләре, китапханә каршында эшләп килүче “Чишмә” берләшмәсе егет-кызлары чыгышлары белән үрелеп барды.
Төркиядә чыга торган төрки халыкларның «Кардәш каләмнәр» әдәби-нәфис журналының соңгы санында Рәдиф Гаташның иҗаты хакында күләмле мәкалә басылды. Ул татар шагыйренә 80 яшь тулу уңаеннан язылган.
Мәкалә «Мәшһүр татар шагыйре Рәдиф Гаташка — 80 яшь» дип атала. Аның авторы — Татарстан һәм Евразия язучылар берлеге әгъзасы, Төркиянең «Кавказ» университеты галимәсе Чулпан Зариф-Четин.
Әдәбият галимәсе Чулпан Зариф-Четин Рәдиф Гаташны Галимҗан Ибраһимов сүзләре белән «Анасыннан шагыйрь булып туган» шагыйрь буларак бәяләгән, татар-төрки һәм Европа әдәбиятының иң күркәм традицияләренә нигезләнгән иҗаты белән Байрон һәм Сәгыйть Рәмиев кебек бунтарь-романтик шагыйрьләр арасында урын алуын әйтеп үткән.
«Шигырьләрендә туган халкына, ватанына тирән мәхәббәт, милләтенең шанлы үткәне белән горурлану, бүгенге проблемаларына борчылу салынган шагыйрьнең иҗатын һәр нәсел үз итә, яратып укый. Рәдиф Гаташ 1960 еллардан бирле татар шигъриятен яңа исемнәр белән тулыландыруга зур игътибар бирә. Ул яшь буын татар шагыйрьләренең, шул исәптән, минем дә — шигърияттәге остазым», — дип язган.
Евразия язучылар берлеге тарафыннан нәшер ителә торган «Кардәш каләмнәр» басмасының сигез бите татар шагыйренә багышланган. Анда Рәдиф Гаташның тормыш юлы, татар әдәбиятында тоткан урыны, иҗатының үзенчәлеге яктыртылган, шигырьләре тәрҗемә ителеп, фәнни-иҗади анализ ясалган.
«Шигырь һәм хыяллар белән тулы күңел иясе Рәдиф Гаташның шигърияттә тоткан урыны үзенчәлекле. Үзен 80 яше тулу уңаеннан үзен котлыйм, киләчәктә дә арабызда булуын телим. Чөнки, Рәдиф Гаташны үз остасы итеп таныган татар шагыйре Рафаэль Сибат язганча, „Такташлары, Гаташлары булган әдәбият — бәхетле һәм тәхетле әдәбият! ‚Ах! ” дип әйтерлек бай һәм лаеклы әдәбият!» — дип тәмамлаган мәкалә.
tatar-inform.tatar/ Рушания Алтай
Төркиянең Бартын университеты студентлары, татар иҗатчыларын Төркиядә таныту максатыннан, шагыйрь Рәмис Аймәтнең шигырьләрен татар телендә укып, видеога яздырган.
«Төрек теле һәм әдәбияты бүлегe студентлары бу уку елында беренче тапкыр татар теле дәресләрен укый. Без алар белән татар теле грамматикасын өйрәнәбез. Татар сәнгать әһелләрен дә танытасыбыз килде һәм шигырьләр яздырдык», — дигән Анкарада яшәүче төрек милләте вәкиле Ләвәнт Булутка галим Алп Эрен Демиркая.
Заманча төрки телләр һәм әдәбияты кафедрасы докторы Алп Эрен Демиркая сүзләренчә, төрек студентлары татар телен өйрәнә башлагач, аның төрек теленә якын һәм охшаш булуын аңлаган. «Татар теле дәресләрендә студентлар еш кына бер-берсе белән ярышырга ярата», — ди ул.
Ләвәнт Булут узган ел студентларның шагыйрь Һади Такташка 120 ел тулу уңаеннан шигырьләр укыганнарын, бу традицияне Рәмис Аймәт шигырьләрe белән дәвам итүләрен әйтте.
Видеода катнашкан студентлар: Шәввал Окан «Бер елмаю эзлим», Гизәм Дәмирәр «Күңелемдә бии мизгелләр», Сәлин Бәкташ «Мин көтәce көн», Cәхәр Елдыз «Юлгa дәшә кояш», Румәйсa Ярдымҗы «Бушану», Халимә Даян «Ялвару», Фатманур Сойкан «Еллар ашa».
tatar-inform.tatar/Зилә Мөбәрәкшина
2021 елның 23 апрелендә татар әдәбияты классигы Г. Тукайның тууына 135 ел тулу уңаеннан «Габдулла Тукай XX–XXI гасырлар мәдәни хәятында» дигән темага Халыкара фәнни-гамәли конференция үткәрелә. Әлеге чараның төп оештыручысы – Татарстан Республикасы Фәннәр академиясенең Г. Ибраһимов ис. Тел, әдәбият һәм сәнгать институты.
Конференциядә катнашу өчен 100 гә якын фәнни доклад кабул ителде. Конференция эшендә чит илләрдән (Азәрбайҗан, Казакъстан, Кыргызстан, Төркия, Үзбәкстан) һәм Мәскәү, Уфа, Махачкала, Казан, Яр Чаллы, Алабуга һ.б. шәһәрләрдән галимнәр катнашачак.
Конференциядә Татарстан Республикасы дәүләт органнары, Татарстан Республикасы Фәннәр академиясе, Татарстан Республикасы Язучылар Союзы, фәнни оешмалар, белем бирү оешмалары, вакытлы матбугат вәкилләре һ.б. катнашуы көтелә. Г. Тукайның тууына 135 еллыгы уңаеннан үткәрелгән конференция материаллары җыентыгы нәшер ителә.
Конференциядә катнашучыларны «ZOOM» системасы аша теркәү 9.30 сәгатьтә башлана.
Zoom конференциясенә кушылу өчен сылтама:
https://zoom.us/j/95198954724?pwd=KysvVXNRSGVVaEZxcHJBRHZXMU1lUT09
Конферециянең идентификаторы: 951 9895 4724
Керү өчен код: 016225
Чыгыш ясаучылар арасында – Азәрбайҗан Милли Фәннәр академиясенең беренче вице-президенты, Низами Ганҗәви исем. Әдәбият институты директоры Габиббейли Иса Акпер оглы, Казакъстан Республикасы Милли фәннәр академиясенең Л.Н. Гумилев исем. Евразия милли университеты ректоры Садыков Ерлан Батташевич, Үзбәкстан Республикасы Фәннәр академиясенең Үзбәк теле, әдәбияты һәм фольклоры институты директоры Махмудов Низомиддин Мамадалиевич, Кыргызстан Фәннәр академиясенең Ч. Айтматов исем. Тел һәм әдәбият институты директоры Акматалиев Абдылдажан Амантурович, Башкортстан Республикасы Фәннәр академиясе президенты Гаязов Әлфис Суфиян улы, Висконсин университеты профессоры (Мадисон, АКШ); Назарбаев университетының казах теле һәм тюркология кафедрасы мөдире һәм профессоры Юлай Шамил-оглы, Февзи Якубов исемендәге Кырым инженерлык-педагогика университеты каршындагы кырым татар филологиясе, тарихы һәм Кырым этнослары мәдәнияте фәнни-тикшеренү институты директоры Керимов Исмаил Асанович, Россия Фәннәр академиясе Дагыстан федераль тикшеренү үзәге Г. Цадасы исемендәге Тел, әдәбият һәм сәнгать институтының баш фәнни хезмәткәре Магомедов Магомед Ибрагимович һ.б. бар.
ТР Мәдәният министрлыгының Инстаграмында “Мәдәния ярдәмче” сәхифәсендә ачык диалог форматында мәдәният министры Ирада Әюпова шагыйрь, язучы Ркаил Зәйдулла белән бу атнаның чаралары турында сөйләште.
Әңгәмәне әлеге сылтама аша карый аласыз.
16 апрельдә Чаллы шәһәренең 55 нче гомуми белем бирү мәктәбендә күренекле язучылар Факил Сафин һәм Әлфия Ситдыйкова белән очрашу узды. Анда татар теле укытучылары, 4-8 сыйныф укучылары катнашты. Балалар сәнгатьле итеп шигырьләр сөйләделәр, язучыларга үзләрен кызыксындырган сорауларын бирделәр.
Биектау районындагы Мәмдәл урта мәктәбендә язучы, тәрҗемәче, публицист, тарихчы Солтан Шәмсинең тормыш юлына һәм иҗатына багышланган әдәби-музыкаль кичә узды.
Дәрәҗәле кичәнең абруйлы кунаклары:
Солтан Шәмси, СССР (Татарстан) Язучылар берлеге әгъзасы, Татарстан Республикасының атказанган мәдәният хезмәткәре, Фатих Хөсни, Абдулла Алиш исемендәге премияләр лауреаты;
Рифат Сверигин, профессор, әдәбият галиме, тәнкыйтьче, Җамал Вәлиди исемендәге премия лауреаты;
Рафис Корбан, Татарстан Республикасының атказанган мәдәният хезмәткәре, Шәйхи Маннур һәм Абдулла Алиш исемендәге премияләр лауреаты, шагыйрь;
Равил Рахмани, Татарстан Республикасының атказанган мәдәният хезмәткәре, филология фәннәре кандидаты, шагыйрь;
Лилия Хәмидуллина, Биектау районы үзәк китапханәсе җитәкчесе;
Рәис Саттаров, мәктәпнең ветеран укытучысы;
Миләүшә Сафина, РСФСРның мәгариф отличнигы, журналист;
Гөлсинә Шакирова, Татарстан Республикасының атказанган мәдәният хезмәткәре, “Ак калфак” хатын-кызлар оешмасының Биектау районы буенча җитәкчесе;
Фәрит Сафиуллин, Мәмдәл авыл җирлеге башлыгы;
Солтан Шәмси турында кыскача белешмә:
Солтан Сәләх улы Шәмсетдинов 1946 елның 10 февралендә Татарстан Республикасының Биектау районы Суксу авылында дөньяга килә. Әтисе вафат булганнан соң, әнисе аны туган авылы Юртышка алып кайта, анда ул 7 классны тәмамлый. Казанда hөнәр училищесында укый, Мәскәүгә барып урнаша, башкала заводларында эшли, бер үк вакытта кичке мәктәпне тәмамлап, урта белем ала. Армиядә хезмәт итә, аннан Казанга күчеп кайта. Соңрак кабат Мәскәүгә китә, М.Горький исемендәге Әдәбият институтында югары белем ала. Казанга әйләнеп кайткач, “Казан утлары”, “Идел” журналларында мөхәррир, “Татарстан” журналында баш мөхәррир урынбасары, Татарстан китап нәшриятында фәнни-популяр әдәбият редакциясе мөдире, Татарстан Республикасы Фәннәр академиясенең Татар энциклопедиясе институтында мөхәррирләр төркеме җитәкчесе булып эшли.
Солтан Шәмси – язучы, тәрҗемәче, татар халкы тарихына багышланган әдәби-публицистик hәм фәнни-популяр китаплар авторы буларак билгеле. Аның “Көмеш чылбыр” (1984), “Җәяүле буран” (1988), “Еллар эзе” (1996), “Ибне Фазлан сәяхәте” (1999), “Идел Болгарстаны” (2001), “Низаглы Йортта” (2002), “Күк капусы ачылса…” (2006), “Сөт калыр, ватан китәр” (2011), “Ут хәйләсе” (2014), “Тарихи әсәрләр” (2016), “Юаныч” (2020) hәм башка китаплары дөнья күрә.
Солтан Шәмси әдәбиятның төрле өлкәләрендә бердәй осталык белән эшләүче буларак танылса да, күбрәк тарих катламнарын актарырга ярата. Кирәк очракта, ул хәзерге тарихчыларның теләсә кайсысы белән аяк терәп сөйләшә ала – аны үзе өйрәнгән өлкәләрнең энциклопедик белгече дип тә санап булыр иде.
“КЕМ СОҢ УЛ СОЛТАН ШӘМСИ?” – дигән сорауга әдипнең кичәдә катнашкан дуслары түбәндәгечә ачыклык кертте:
1. “Солтан Шәмси – галәмнең чиксезлеген, яшәүнең бөеклеген фәлсәфи төшенчәләргә бәйләп, аларның катлаулы якларына күз салырга чакыручы да, халыклар тарихындагы текә борылышларны, hәлакәтләрне, торгызылу – яңаруларны бер чылбыр итеп күрә белүче дә… Фикердәшебез замандашыбыз – әдәбиятның күп жанрларында иҗат итүче әдип. Кыскасы, Солтан Шәмси – матурлык гармониясе остазы!” – дип бәяләде үзенең чыгышында тәнкыйтьче Рифат Сверигин.
2. Якташ язучы Рафис Корбан: “Солтан Шәмси белән озак еллар бергә эшләдек, дуслар булдык. Мин аны тарихны иң актив шәрехләп биргән тарихчы дип атыйм”. Чыгышын түбәндәге шигъри юллар белән төгәлләде:
СОЛТАН ШӘМСИГӘ:
Үсеп җиткәч бик зур кеше
Булачак бу олан дип,
Туганда ук исемеңне
Кушканнардыр Солтан дип.
Халкыбызның әйтеме бар,
Исеңдәдер синең дә:
“Читләрдә солтан булганчы,
Олтан бул үз илеңдә!”
Яшьлегеңдә дөнья гизеп,
Читтә шактый йөрдең син.
Шикләнмим, читтә дә солтан
Булган булыр идең син!
Син Казанда солтан булдын,
Әдәбият солтаны!
Синең хакта чыкты илгә
Тарихчы әдип даны.
Шундый ат белән киләсең
Юбилееңа, туган.
Шул сәбәптән әле, хәтта,
Күк капусы ачылган.
Без дә кушылып күкләргә,
Котлыйбыз сине, Солтан!
Беркайчан олтан булмадың,
Тайпылма шушы юлдан!
3. Равил Рахмәни Солтан Шәмси әдәбиты нигезендә авторның битараф булмавын; максатлы яшәешен, рухи дөньясы байлыгын, милләтенә, халкына тугры булып, армый-талмый хезмәт итүен ассызыклады. Укучыларга мөрәҗәгать итеп: “Сезнең төбәк – җиләкле аланны хәтерләтә. Солтан абыегыз шул алан җиләге. Ә аланда җиләк берәү генә булмый. Димәк, сезнең арадан да зур дәрәҗәләргә ия шәхесләр чыгарга тиеш!” – дип күрсәтмә – наказ бирде.
Алдагы чыгышларда, Равил Рахмани фикерен хуплап, мәңгелек темаларны күтәрделәр.
Биектау районы үзәк китапханәсе җитәкчесе Лилия Сәлимова да барлык катнашучыларга мөрәҗәгать итеп, район күләмендә оештырылган төрле бәйгеләрдә, фикер алышуларда укучыларның активлыгын арттыру кирәклегенә басым ясады.
Кичәнең бизәлешен Солтан Шәмси иҗатына карата тәнкыйьчеләр фикере җыелмасы, автор китаплары күргәзмәсе, язучы иҗатына һәм тормыш юлына багышланган буклет тәшкил итте. Әдәби-музыкаль композиция нәфис сүз, моңлы җырлар, дәртле биюләр белән үрелеп барды.
Казанның 4нче кызлар гимназиясендә “Мәгърифәт йолдызлыгы” фәнни-гамәли конференциясе Сәйдә Мөхәммәтҗанованың җырлавы белән башланып китте.
Әлмәттәге 2 мәктәптә балалар язучылары Лилия һәм Резеда Фәрхетдиновалар белән очрашу булды. Беренче сыйныф укучылары язучы апаларының шигырьләрен бик матур итеп сөйләделәр,әкиятләрен сәхнәләштерделәр. Очрашу бик җанлы узды. Лилия һәм Резеда Фәрхетдиновалар балаларга китапларын бүләк иттеләр.
15 апрель көнне күренекле әдип Факил Сафин Чаллының 60 нчы мәктәбендә укучыларга Туган тел дәресе үткәрде. (далее…)
Татарстан Язучылар берлегенең “Яшел камин янында” тапшыруы кунаклары – күренекле галим Хатыйп Миңнегулов белән Татарстан китап нәшрияты генераль директорының беренче урынбасары Айдар Гыймадиев.
Проектның кураторы һәм алып баручысы – шагыйрь, Татарстан Язучылар берлегенең татар әдәбияты буенча киңәшчесе Марат Закир.
Татар әдәбиятын өйрәнгән төрек теле һәм әдәбияты белгече, тәрҗемәче Мехмет Араз (Mehmet Araz) «Татар әдәбиятында тарихи романнар һәм язучы Таһир Нәбиуллинның «Качкын» романы» темасыннан фәнни хезмәт яклаган һәм үзе өйрәнгән әсәрен тәрҗемә иткән.
«Татар әдәбиятында тарихи романнар күп түгел. Таһир Нәбиуллинның „Качкын“ романына аеруча әһәмият бирдем. Романны танытырга теләп, төрекчәгә тәрҗемәсен китап буларак чыгарырга йөрим», — дип сөйләгән ул Истанбулда укучы аспирант Айгөл Зара Кәбировага.
Язучы әсәрне повесть дип билгеләгән, ләкин тәрҗемәче, күләменнән һәм эчтәлегеннән чыгып, тарихи роман дип саный. «Бер-берсенә бәйле ике өлештән тора, барлыгы 41 бүлек, 224 бит», — ди Мехмет Араз.
Язучы Таһир Нәбиулла улы Нәбиуллин 1933 елның 25 мартында Татарстанның Апас районы Болын-Балыкчы авылында туган. Белеме буенча икътисадчы, Башкортстан, Чиләбе өлкәсе сәнәгать предприятиеләрендә хезмәт куя, аннары Түбән Кама Нефть-химия берләшмәсендә баш бухгалтеры булып эшли. 1993 елдан Татарстан Язучылар берлеге әгъзасы.
Таһир Нәбиуллин романда XIV–XXI гасырларда татар халкының тормышын сурәтли, ди тәрҗемәче. Ул шул чорга хас үзенчәлекләрне аерым билгеләп үткән. «Качкын» романында берничә ай исемен күрдем. Кызыксындым, мәгълүмат эзли башладым. Барлык унике айның исемен таптым. Мәсәлән, хəмəл — март, сəвер — апрель, җәүза — май, сəрəтəн — июнь, әсəд — июль, сөнбелə — август һ.б.» — дип мисал китергән галим.
Мехмет Араз әйтүенчә, моңа кадәр аеруча Урта Азия төрки календарьләре белән бәйле күп кенә эзләнүләр ясалган. Шулай да татарларда кулланышта булган бу календарь белән бәйле мәгълүмат юк. Ул бу хакта «Төрки дөнья» тәквимнәре арасында беленмәгән көнчыгыш тәквиме» исемле мәкаләсен язган. Таһир Нәбиуллин әсәрендәге ай атамалары хакында мәгълүмат «Төрек йорты» журналының (Türk Yurdu Dergisi) 394нче санында чыккан.
Мехмет Араз фәнни эшендә «Качкын» романы мисалында татар әдәбиятының Болгар чорыннан алып үсешен, татар әдәбиятында тарихи романның килеп чыгышын тикшергән. Ул фәнни эшен Төркиянең Мугла Сыткы Кочман университеты Заманча төрки халыклар телләре һәм әдәбиятлары бүлегендә яклаган.
Галим татар язучысы Таһир Нәбиуллин турында Интернетта мәгълүматның аз булуын әйткән.
Мехмет Араз — Галимҗан Ибраһимовның да ике хикәясен төрекчәгә тәрҗемә иткән галим. Татар язучысының «Яз башы» хикәясе «Темрин фикер һәм әдәбият» журналының (Temrin Düşünce ve Edebiyat Dergisi) 107нче санында, «Уты сүнгән җәһәннәм» хикәясе «Төрек теле» журналының (Türk Dili Dergisi) 829нчы санында чыккан.
tatar-inform.tatar
Алексеевск районы үзәгендә Г. С. Боровиков исемендәге 3нче мәктәптә әдәби очрашу булып узды. Китапханәдә районның татар мәктәпләреннән килгән мөгаллимнәр, китапханәчеләр, әдәбият-сәнгать сөючеләр Татарстанның атказанган сәнгать эшлеклесе, Саҗидә Сөләйманова исемендәге бүләк иясе Эльмира Шәрифуллина белән очрашты. Кичә Эльмира ханым поэмасыннан алынып, «Без — Тукайлы халык» дип, инде канатлы гыйбарәгә әйләнгән исем белән аталды.
Казаннан мәртәбәле кунакны әзерләнеп көтеп алдылар. Китапларыннан күргәзмә әзерләп куелган. Шушы мәктәптә рус балаларына татар телен өйрәтүче мөгалимә, Россиянең халык мәгарифе отличнигы Роза Кутуева шагыйрә белән таныштырганнан соң сүзне балалар алды. Алар шигырьләрне сәнгатьле итеп образга кереп башкарды. «Сезнең йөзегез, мәктәп көзгесе – балалар», — диде шагыйрә алар чыгышына сокланып.
«Язучының иҗаты гаҗәеп киңкырлы — аның проза әсәрләреме, шигъриятеме, сценарийларын я башка хезмәтләрен аласыңмы, онытылып укыйсың. Әлеге шәхескә ихтирам арта бара», — диде Роза Мәгъсүм кызы һәм сүзне язучының үзенә бирде.
Шагыйрә балачагы, иҗаты, тормыш фәлсәфәсе, дөньяга карашы кебек сорауларга шигъри телдә җавап бирде. Алай гынамы — ул аларны яттан укыды. Туган телгә карата борчылу яңгыраган сорауга: «Үзебездән тора, шушы балалар күңеленә салынган орлыклардан тора», — диде үзе дә мөгаллимә булган шагыйрә. Эльмира Мөхәммәт кызы тел сагында торган татар теле мөгаллименә багышлап 80-90нчы еллардагы вазгыятькә ачынып язылган һәм хәзер дә бик актуаль булган шигырен сөйләде. «Саклап телне, сакла безне, татар теле мөгаллиме! Рәхмәт сиңа», – диде.
Район мәгариф идарәсенең милли мәгариф бүлеге методисты Булат Мөбәракшин Татарстанда туган телләр һәм халыклар бердәмлеге елында әдәби очрашуларның әһәмиятле булуын искәртте. Биредә язучылар белән очрашуларның инде традициягә керүен һәм ул укучылар, укытучылар өчен илһам чыганагы булып торуын әйтте.
tatar-inform.tatar
РФ һәм ТР атказанган фән эшлеклесе, филология фәннәре академиясе хакыйкый әгъзасы – академик Хатыйп Миңнегулов белән очрашуга аның туганнары, классташлары, фикердәшләре, хезмәттәшләре, район мәктәпләренең татар телчеләре һәм аның иҗатын хөрмәт итүчеләр килгәннәр иде. (далее…)
Шагыйрьләр Айрат Суфиянов, Лилия Гыйбадуллина, Рәзинә Мөхияр, Әлфия Ситдыйкова, Сирень Якупова Чаллының 52 нче мәктәбендә әдәби очрашуда булдылар.
Татарстан Республикасында игълан ителгән Туган телләр һәм Халыклар бердәмлеге елы уңаеннан 8 апрель көнне Тукай районы Боерган авылында күренекле әдип, җәмәгать эшлеклесе, 2021 елның Тукай премиясенә кандидат Факил Сафин һәм шагыйрә, язучы Әлфия Ситдыйкова белән «Киләчәккә илтик татар моңын… » дигән әдәби-музыкаль очрашу узды.
Очрашу Чулман елгасы яр буенда урнашкан күптән түгел генә ачылган «Акчарлак» күпфункцияле ял үзәгендә булды.
Очрашуда мәктәп укучылары, укытучылар, китапханәчеләр, авыл халкы катнашты. Кичәне Боерган авылы китапханәчесе Флүзә Сәлимова оештырып алып барды. Ул тамашачыларны язучыларның тормыш һәм иҗат юлы белән таныштырып үтте. Кичәнең махсус кунагы, Әлфия Ситдыйкованың авылдашы, автор-башкаручы Илдус Газизов күренекле язучылар белән бергә әдәби чарага чакырганнары өчен боерганлыларга рәхмәтен белдерде. Һәм үзенең туган авылына багышланган җырын башкарды.
Боерган авылының «Яран гөл» фольклор ансамбле солисты Гөлсәрия ханым Сәхабиева шигъри сәламе белән үзен килгән кунакларга сүз остасы итеп танытты.
Балалар бакчасында тәрбияләнүче нәниләр дә, мәктәп укучылары да шагыйрьләрнең шигырьләрен сәнгатьле итеп сөйләде. Язучылар үзләре белән алып килгән «Көмеш кыңгырау», «Шәһри Чаллы» газеталарын, «Мәйдан» журналларын, китапларын балаларга бүләк итеп бирделәр. Балалар шатланып язучылар белән фотога да төштеләр.
13 апрельдә, 11.00 сәгатьтә «Әдәби кафе»да (Декабристлар ур., 2, ТАТМЕДИА, 1 кат) күпсанлы китаплар авторы Әхәт Мушинский белән автограф-сессия узачак. Очрашу «Әнис алмалары исе» дигән яңа китап чыгу уңаеннан оештырыла. (далее…)
Халык шагыйре, Габдулла Тукай бүләге иясе Клара Булатова укучылар, яшь буын иҗатчылар белән еш очраша. Ул алар өчен шагыйрә генә түгел, тел-әдәбият укытучысы буларак кырык елдан артык гомерен балаларга гыйлем биргән, туган телгә мәхәббәт тәрбияләгән олы шәхес тә әле.
Халык шагыйрәсе Әлмәт районы Яңа Нәдер авылындагы музей-йортына кунакка бу юлы Татарстан нефть тармагы үсешенә зур өлеш керткән Ринат Галиев исемен йөртүче Сөләй урта мәктәбе укучылары һәм мөгаллимнәре килде. Ветеран шагыйрәнең алар белән дә уртаклашыр хатирәләре байтак иде. Иҗатында гомере буе туган ягына, хезмәт кешесенә дан җырлаган, нефтьчеләр тормышын матур итеп тасвирлаган каләм остасының, педагогның яшь буынга әйтер сүзе бетәмени ул.
Кунаклар исә бу язда 85 яшен билгеләп үткән Клара ханым Булатованы үзләренең иҗат җимешләре белән дә, юбилярның шигырьләрен укып та куандырдылар. Туган телләр һәм халыклар бердәмлеге елы кысаларында мондый очрашу гайре табигый иде.
Альберт Заһиров, magarif-uku.ru
Әлмәттә Саҗидә Сөләйманова истәлегенә шигырь конкурсында шәһәрнең тугыз яшүсмерләр клубыннан 19 бала катнашты.
Шәһәр паркында Саҗидә Сөләйманова истәлегенә “Туган ягым талантлары” дип исемләнгән әдәби конкурс узды.
Катнашучылар шигырьләрне яхшы белүләрен, әсәрләрнең популяр өзекләрен, сәнгатьле уку һәм актерлык осталыгын күрсәттеләр. Конкурсантларны сайлап алынган әсәрнең туры килүе, эмоциональ йогынтысы, шулай ук башкару буенча бәяләделәр.
Җиңүчеләрне грамоталар һәм истәлекле бүләкләр белән бүләкләделәр.
almet-rt
XX гасыр башы татар әдәбиятының күренекле вәкиле, тәнкыйди реализмга нигез салучыларның берсе, язучы, драматург, тәнкыйтьче, публицист һәм җәмәгать эшлеклесе Фатих Әмирханның (Мөхәммәтфатих Мөхәммәзариф улы Әмирхановның) тууына 2021 елда 135 ел тулды. Шул уңайдан ТР Милли китапханәсенең мәгълүмат-библиография бүлеге биобиблиографик белешмәлек әзерләде.
Әдипнең тууына 135 ел тулу уңаеннан әзерләнгән биобиблиографик белешмәлектә аның тәрҗемәи хәле, тормышы һәм иҗатын яктырткан мәкаләләр, видеоязмалар, әдипнең әсәрләре, аудиоязмалар, презентацияләр, методик материаллар урын алды.
Электрон белешмәлекнең ахырында «Библиография» бүлеге бар. Биредә Ф. Әмирханның төп басма китаплары, җыентыкларда, вакытлы матбугатта басылып чыккан әсәрләре исемлеге, аның хакындагы аерым басмалар, җыентыкларда, вакытлы матбугат битләрендә басылып чыккан мәкаләләр исемлеге бирелде. Фатих Әмирханга багышланган Интернеттагы сайтларга сылтамалар да китерелде.
Белешмәлек татар һәм рус телләрендә төзелде.
Аерым шәхесләргә багышланган белешмәлекләр Интернеттан файдаланучыларның киң аудиториясенә, татар халкының тарихы, мәдәнияте һәм сәнгате белән кызыксынучыларга тәкъдим ителә.
Татарстан Милли китапханәсенең «Милли китап» нәшриятында якын арада «Татар археографиясе» сериясенең 27нче китабы басылып чыгачак. (далее…)
Язучы Гүзәл Яхина “Әкият” татар дәүләт курчак театрында куела башлаган «Адәмнәр» спектакле турында үз аккаунтында анонс урнаштырган.
“Казан курчак театры ачлык турында «Адәмнәр» («Люди») дип аталган спектакль әзерли. Өлкәннәр өчен. Карыйсым килә, әлбәттә”, – дип яза Гүзәл Яхина. Ул мондый спектакльләрнең гастрольләрдә күп йөрергә тиешлеген әйтә.
“Әкият” татар дәүләт курчак театрының сәнгать җитәкчесе Илгиз Зәйниев рөхсәте белән спектакльнең эскизы да бирелгән.
“Әкият” курчак театрының сәнгать җитәкчесе Илгиз Зәйниев сүзләренчә, әлеге спектакль турында Гүзәл Яхинага композитор Эльмир Низамов сөйләгән. Язучы спектакль белән бик кызыксынган.
Гүзәл Яхинаның яңа гына сатуга чыккан өченче романы ачлык темасына багышланган. Аның бу тема белән кызыксынуы шушы китабына бәйле булырга мөмкин.
Илгиз Зәйниев Галимҗан Ибраһимовның «Адәмнәр» повесте буенча курчак спектакле куярга теләвен 2019 елда ук белдергән иде. ТР Театр әһелләре берлеге грантына дәгъва итеп гариза язган иде. Әмма грант бирелмәде.
Илгиз Зәйниев әлеге грантсыз да спектакльне кую мөмкинлекләрен эзләячәген әйтте. Ниһаять, мөмкинлек табылган. Спектакль июнь аенда әзер булырга мөмкин.
“Татар-информ”
“Әдәби марафон”да катнашу өчен гаризалар кабул итү төгәлләнде. Марафонда катнашу өчен 2320 гариза килгән. 41 кеше башка төбәкләрдән, 2 кеше – чит илдән (Австралия, Төркия). Язучылар да катнашуы шатландыра, дип хәбәр итә оештыручылар.
Тантана Чаллының “Энергетик” Мәдәният Сараенда узды.
«Хатыйп Йосыф улы Миңнегулов — татар әдәбият галиме, дәреслекләр авторы, тәнкыйтьче, Татарстан һәм Русиянең атказанган фән эшлеклесе, фән һәм техника өлкәсендә ТР Дәүләт премиясе лауреаты, филология фәннәре докторы, профессор,Татарстан Язучылар берлеге әгъзасы (1996 елдан), күпләребезнең остазы да. Музейга үзенең китабын бүләк итүе – безнең өчен зур дәрәҗә. Сәламәт гомер телик аңа!» дип язалар музей хезмәткәрләре.
“Балачак җыры” II бәйгесен үткәрү турында
НИГЕЗЛӘМӘ
1.1. Әлеге Нигезләмә татар телендә балалар өчен җыр иҗат итүчеләрнең «Балачак җыры» («Песня детства») II бәйгесенең (алга таба – Бәйге) максат һәм бурычларын, үткәрү вакытын һәм тәртибен, гариза юллау регламентын, музыкаль әсәрләрне сайлап алу кагыйдәләрен, шулай ук Бәйге җиңүчеләрен бүләкләү тәртибен билгели.
1.2. Бәйгене “Яңа гасыр” телерадиокомпаниясе” АҖ нең «ШАЯН ТВ» телеканалы (алга таба – Оештыручы) үткәрә. Бәйгенең максаты – татар телендә балалар өчен җыр иҗат итүче талантлы композитор һәм шагыйрьләрне ачыклау, аларга ярдәм итү, татар телендә язылган балалар җырларын популярлаштыру.
1.3. Оештыручының юридик адресы: 420095, Россия Федерациясе, Татарстан Республикасы, Казан шәһәре, Ш. Усманов ур., 9 йорт.
2.1. Татар телендә язылган балалар җыры репертуарын баету.
2.2. Татар телендә язылган балалар җырларын пропагандалау һәм татар җырларын җәмгыятькә таныту.
3.1. Бәйгедә композитор белән шагыйрь бер Катнашучы булып санала. Шагыйрь белән композитор бергә юллаган гариза бер катнашучыдан (алга таба – Катнашучы) юлланган гариза буларак кабул ителә.
Оештыручы карары буенча бер үк катнашучыга композитор да, шагыйрь дә буларак катнашырга рөхсәт ителергә мөмкин.
3.2. Бәйгедә 18 яше тулган теләсә кайсы физик зат катнаша ала.
3.3. Бәйгедә “Яңа гасыр” телерадиокомпаниясе” хезмәткәрләренә һәм аларның туганнарына катнашу рөхсәт ителми.
3.4. Бәйгедә катнашу бушлай. Оештыру өчен түләү каралмаган.
3.5. Бәйгедә Катнашучы 2006 елның 27 июлендә кабул ителгән 152-ФЗ номерлы “Шәхси мәгълүматлар турында”гы Федераль закон нигезендә шәхси мәгълүматларын кулланырга ризалык бирә.
3.6. Бәйгедә катнашып, Катнашучы үз әсәрен Нигезләмә максатларында алга таба да вакытын һәм куллану даирәсен чикләмичә кулланырга ризалык бирә.
3.7. Бәйгедә катнашу автомат рәвештә Катнашучының бәйге шартлары белән таныш булуын һәм алар белән тулысынча риза булуын күз алдында тота. Әлеге Нигезләмә Бәйгедә катнашучыларның барысы өчен дә расланган һәм мәҗбүри булып тора.
3.8. Бәйгедә катнашу Катнашучыларның шәхси мәгълүматларын Бәйге үткәрелгән вакытта автомат рәвештә куллануны, шулай ук Бәйге тәмамланганнан соң да мәгълүмати һәм реклама максатларында куллануга ризалык бирүләрен күз алдында тота. Катнашучылар барлык массакүләм мәгълүмат чараларында, социаль челтәрләрдә, шул исәптән «ШАЯН ТВ» телеканалының YouTube каналында бәйгедә катнашу турында интервью бирергә, шулай ук видео һәм график материаллар әзерләүдә нинди дә булса бүләкләрсез катнашырга ризалаша.
4.1. Бәйге 2021 елның 1 февраленнән 2021 елның 01 июненә кадәр ( 01 июньне дә кертеп) үткәрелә.
4.2. Бәйгегә килгән эшләрне даими рәвештә ике составта эшләүче жюри бәяләячәк: профессиональ жюри (югары һөнәри белемле) һәм балалардан торган жюри (җыр бәйгеләре лауреатлары, балалар телеканалының алып баручылары, блогерлары).
4.3. Сайлап алу өч турда уздырыла:
– Беренче тур (читтән торып үткәрелә), 2021 елның 01 февраленнән 2021 елның 30 апреленә кадәр.
Бәйгенең Беренче турында катнашу өчен Катнашучы әлеге Нигезләмә таләпләренә туры килүче, балалар өчен татар телендә үзе иҗат иткән музыкаль әсәр (текст белән) белән бергә гариза җибәрә (татар классикларының әдәби әсәрләрен куллану да рөхсәт ителә), (алга таба – Җыр). Гаризаны Оештыручының shayanmuzik@mail.ru электрон почтасы адресына, яисә флешкага яздырып Казан шәһәре, Максим Горький урамы, 15 йорт адресы буенча китереп бирергә дә ярый, әмма килер алдыннан килү вакытын «ШАЯН ТВ» телеканалы администраторына 570-50-29 телефон номеры аша шалтыратып әйтергә кирәк була.
– Икенче тур (читтән торып үткәрелә):
– 2021 елның 11 маеннан 17 маена кадәр https://shayantv.ru сайтында интернет аша тавыш бирү юлы белән үткәрелә. Жюри карары буенча, беренче тур җиңүчеләре арасыннан 10 катнашучы өченче турда катнашу өчен сайлап алына.
– Өченче тур (читтән торып үткәрелә):
– 2021 елның 20 маеннан 2021 елның 25 маена кадәр, икенче тур нәтиҗәләре буенча, Жюри (аноним рәвештә) читтән торып 5 Катнашучыны сайлап ала, алар Бәйгенең җиңүчесе дип табыла.
Бәйге нәтиҗәләре «ШАЯН ТВ» телеканалының shayantv.ru. сайтында игълан ителәчәк.
4.4. Жюри чыгарган нәтиҗәләр соңгы һәм үзгәртелми.
4.5. Нигезләмәдә даталар якынча язылган, Оештыручының карары буенча алар үзгәрергә мөмкин. Үзгәрешләр турында «ШАЯН ТВ» телеканалының рәсми сайтыннан (shayantv.ru) белергә мөмкин булачак.
4.6. Бәйге нәтиҗәсе буенча һәр җиңүчегә:
Жюри карары буенча Бәйге җиңүчеләренә Җырны «ШАЯН ТВ» телеканалының «Сәйлән» балалар телевизион татар җыр фестивалендә башкару мөмкинлеге бирелә.
4.7. Җиңүчеләргә акчалата премия алар җибәргән банк реквизитларына күчерелә (аерым композиторга һәм аерым шагыйрьгә / яисә хокук иясенә). Физик затлар кеременнән салым, салым агенты тарафыннан 13% күләмендә алына, түләү чыганагы – «Яңа Гасыр «ТРК»АҖ.
5.1. Катнашучының гаризасында Җырның тере тавышка башкарылган аудиоязмасы яисә аерым файлларның партитурасы булырга тиеш. Гариза әлеге Нигезләмәдә күрсәтелгән 1 нче Кушымта формасы буенча тапшырыла.
Җырны әзер килеш башкарылган формада яки әзер аранжировка белән җибәрергә була.
Җыр балалар аудиториясенә туры килергә тиеш.
5.2. Әсәрнең яңгырашы аһәңлерәк булсын өчен синтезатор, электрогитара һ.б. акустик уен кораллары куллану рөхсәт ителә.
5.3. Вокализация эффектлары кертү / яисә текстны партитурада куллану рөхсәт ителә.
5.4. Татар классиклары әсәрләрен куллану рөхсәт ителә.
5.5. Бер Җырның озынлыгы: минут ярымнан кимрәк һәм 4 минуттан күбрәк булмаска тиеш.
5.6. Бәйгедә катнашу өчен оригинал көйле, моңа кадәр киң җәмәгатьчелек алдында башкарылмаган, басылып чыкмаган, тиражлы чыганакларга яздырылмаган Җырларны гына катнаштыру рөхсәт ителә. Бәйгедә нинди дә булса башка бәйгеләрдә катнашкан Җыр белән катнашу рөхсәт ителми.
5.7. Бәйгене Оештыручы (оештыру комитеты) биредәге Нигезләмәгә туры килмәү очракларын ачыкласа, теләсә кайсы этапта гаризаны кире кагарга хокуклы.
5.8. Бәйгедә катнашучы 3 турга үткәч, автор, Килешү төзеп, Җырга булган махсус хокукларны тулысынча Оештыручыга тапшыра (әлеге Нигезләмәнең 2нче номерлы Кушымтасы). Катнашучының Җырны алга таба куллануы Оештыручы белән сөйләшеп, килешкәннән соң гына рөхсәт ителә.
5.9. Катнашучы Җырга булган барлык хокукларның, шул исәптән башкарганда да (башкарылган очракта) үзендә булуын гарантияли. Музыкаль әсәр кемнең дә булса башкарылуында тәкъдим ителгән очракта, Оештыручы башкаручыны алмаштыру хокукына ия була.
6.1. Жюри гаризаларны карый һәм Бәйгенең җиңүчеләрен билгели.
6.2. Җиңүчеләрне билгеләү критерийләре:
– текст әдәби татар телендә язылырга тиеш, мөрәҗәгатьләр, диалоглар кертү рөхсәт ителә;
– балалар аудиториясе кызыксынуларына туры килергә тиеш;
– татар көе булырга тиеш;
– һәм башкалар.
6.3. Жюри әгъзаларының һәркайсына (аноним рәвештә) оештыру комитеты тарафыннан Бәйгедә катнашырга рөхсәт ителгән әсәрләрнең тулы пакеты таратыла.
7.1. Бәйгене Оештыручы яки аның дәвамчылары Җырны башкару белән бәйле рәвештә нинди дә булса юридик яки физик затларга, шулай ук авторлык һәм чиктәш хокуклар белән күмәк идарә итүне гамәлгә ашыручы оешмаларга түләү җаваплылыгыннан азат ителә.
7.2. Бәйге турында тулы мәгълүмат «ШАЯН ТВ» телеканалының барлык интернет ресурсларында: https://shayantv.ru/ сайтында, Инстаграм социаль челтәрендәге @shaiantv аккаунтында, Вконтакте социаль челтәрендәге https://vk.com/shayantv төркемендә, https://youtube.com/ШАЯНТВ/ YouTube каналында урнаштырылачак.
7.3.Бәйгедә катнашу өчен гаризалар shayanmuzik@mail.ru электрон почтасына, “балалар җыры бәйгесенә” тамгасы белән җибәрелә (әлеге Нигезләмәнең 1 нче Кушымтасындагы форма буенча).
Өстәмә мәгълүмат 8(843) 570-50-29, 570-50-33 телефон номеры һәм shayanadmin@tnvtv.ru электрон почтасы буенча.
Татар телендә балалар өчен җыр иҗат итүчеләрнең
“Балачак җыры” («Песня детства») II бәйгесен
үткәрү турындагы
Нигезләмәнең 1 нче номерлы Кушымтасы
Катнашучының анкетасы №1
| Композиторның фамилиясе, исеме, әтисенең исеме, туган елы, кыскача тәрҗемәи хәле (биографиясе), документлары (паспорт, ИНН, СНИЛС), элемтә өчен телефон номеры | |
| Шагыйрьның фамилиясе, исеме, әтисенең исеме, туган елы, кыскача тәрҗемәи хәле (биографиясе), документлары (паспорт, ИНН, СНИЛС), элемтә өчен телефон номеры | |
| Белеме (уку йорты, тәмамлаган елы), эш яки уку урыны. Композиторлар иҗади союзында әгъза булу-булмавы турында мәгълүмат | |
| Белеме (уку йорты, тәмамлаган елы), эш яки уку урыны. Шагыйрьләр иҗади союзында әгъза булу-булмавы турында мәгълүмат |
Катнашучының имзасы:____________________________/____________________________/
ФИО
Катнашучының имзасы:____________________________/____________________________/
ФИО
Әсәрнең анкетасы №2
| Партитураның PDF-файлы | |
| Әсәрнең тексты | |
| Әсәр башкарылган аудиоязма |
Катнашучының имзасы:____________________________/____________________________/
ФИО
Катнашучының имзасы:____________________________/____________________________/
ФИО
Татар телендә балалар җыры язучыларның
“Балачак җыры” («Песня детства») II
бәйгесен үткәрү турындагы
Нигезләмәнең 2 нче номерлы Кушымтасы
Махсус хокукларны тапшыру турында
Килешү
Казан ш. «___»_________20__ ел
______________________, алга таба «Авторлык хокуклары иясе», бер яктан
(ФИО)
һәм «Яңа гасыр» телерадиокомпаниясе акционерлык җәмгыяте, алга таба «Сатып алучы», вәкаләтле вәкиле – Генераль директорның беренче урынбасары И.И. Сафиуллин, 01.01.2021 елдагы 1 нче номерлы Ышанычнамә буенча эш итүче, икенче яктан, бергәләшеп алар «Яклар», әлеге Килшеүне түбәндәгеләр турында (текстта алга таба – «Килешү») төзеделәр:
1.1. Авторлык хокуклары иясе Хокук алучыга интеллектуаль эшчәнлек нәтиҗәсенә булган махсус хокукларны Килешүдә күрсәтелгән Кушымта нигезендә музыкаль әсәрне текст белән бергә тулысынча тапшыра.
1.2.Махсус хокукларның күчү вакыты булып кабул итү Актына кул куйган көн санала (Килешүдәге Кушымта).
2.1. Авторлык хокуклары иясе гарантия бирә:
– интеллектуаль эшчәнлек нәтиҗәсенә үзенең чыннан да махсус хокуклары булуына;
– интеллектуаль эшчәнлек нәтиҗәсенең оригинал булуына, һәм аның авторлык, арадаш һәм өченче затларның закон тарафыннан саклана торган хокукларын бозмавына. Хокук алучыга өченче затлар тарафыннан, интеллектуаль эшчәнлек нәтиҗәсенә яисә анда кулланылучы объектларга (өлешләргә) авторлык һәм арадаш хокукка ия булучылар, индивидуализация чараларына хокукы булучылар, исем һәм сурәткә, шәхси яки гаилә серләренә хокукы булучылар тарафыннан таләпләр, претензия, дәгъвалар белдергән очракта, Авторлык хокукына ия булучы аларны үз көче һәм үз чыгымына хәл итәргә бурычлы;
– әлеге килешүне төзегән датага, Хокук алучыга тапшырылучы хокукның әлеге килешү нигезендә, өченче затларга тапшырылмавына;
– әлеге Килешүгә беркетелгән Кушымталардагы мәгълүматларның ышанычлы булуына, Хокук алучы тарафыннан яңадан тикшерүне таләп итәргә кирәк булмавына.
2.2. Авторлык хокукына ия булучы бүләк барабәренә Хокук алучыга Россия Федерациясе һәм дөньяның төрле илләрендәге законнар нигезендә интеллектуаль эшчәнлек нәтиҗәсенә булган барлык хокукларын төрлечә куллана алу мөмкинлеген тапшыра.
2.3. Хокук алучы гарантия бирә:
– интеллектуаль эшчәнлек нәтиҗәсен яисә аның кайсы да булса өлешен кулланганда Хокук алучы интеллектуаль эшчәнлек нәтиҗәсе авторын күрсәтергә. Шуның белән бергә, әгәр интеллектуаль эшчәнлек нәтиҗәсе авторының исемен күрсәтү мөмкинлеге булмаса (мәсәлән, радиотрансляцияләрдә, берәр фрагментын кулланганда һ.б.ш.), интеллектуаль эшчәнлек нәтиҗәсе авторының исемен күрсәтмәү авторның шәхси милек булмаган хокукын бозмый дип санала.
2.4. Киләчәктә интеллектуаль эшчәнлек нәтиҗәсен төрле объектив формаларда үзгәртеп тудырылган әсәрләрне куллану буенча барлык хокуклар Хокук алучыга бирелә. Киләчәктә Авторлык хокукы иясе һәм башка өченче затлар Хокук алучы тудырган объектларга нинди дә булса, шул исәптән аларны кулланган өчен түләү каралган очракта да, дәгъва кыла алмый.
2.5. Хокук алучы яки аның дәвамчылары интеллектуаль эшчәнлек нәтиҗәсен куллану белән бәйле рәвештә нинди дә булса юридик яки физик затларга, шулай ук авторлык һәм чиктәш хокуклар белән күмәк идарә итүне гамәлгә ашыручы оешмаларга түләү җаваплылыгыннан азат ителә.
3.БҮЛӘКЛӘҮ.
3.1. Әлеге Килешү нигезендә тапшырыла торган махсус хокукның бәясе 100 (йөз) сум 00 тиен.
3.2. Авторлык хокукы иясе махсус хокукларны Хокук алучыга түләүсез нигездә тапшырырга ризалаша.
3.3. Югарыда күрсәтелгән сумма Хокук алучы түләргә тиешле бердәнбер сумма, ә Авторлык хокукына ия булучы кабул итү актына кул куйганда әлеге Килешү нигезендә махсус хокукны тапшырганы өчен ул сумманы кабул итеп ала.
4.1. Әлеге Килешү ике Як кул куйганнан соң гамәлгә керә, Якларның һәрберсенең үз бурычларын үтәгәнче гамәлдә була.
4.2. Әлеге Килешү Якларның сөйләшеп килешүе нәтиҗәсендә гамәлдән чыга ала. Килешүне гамәлдән чыгарырга теләүче Як әлеге теләген икенче Якка әлеге Килешүне гамәлдән чыгарырга теләгән көннән, 30 календарь көнннән дә соңга калмыйча белдерергә тиеш.
5.1. Үз бурычын үтәмәгән яисә тиешенчә үтәмәгән Як килешү буенча, РФ законнары нигезендә җавап тота.
5.2. Әгәр Яклар уйланмаган яки булдыра алмый торган сәбәпләр аркасында өлешчә яисә тулысынча бурычны үти алмаса, җаваплылыктан азат ителә. Хәл итә алмастай шартлар турында мондый хәл билгеле булганнан соң 5 (биш) көн эчендә, бер-берсенә язма рәвештә хәбәр бирергә тиешләр.
Хәл итә алмаслык шартның булуы вәкаләтле органнар яисә оешмалар тарафыннан расланырга тиеш.
6.1. Әлеге килешү бер үк юридик көчкә ия булган ике нөсхәдә төзелде һәм Яклар тарафыннан кул куелды, Якларга берәр нөсхә бирелде.
6.2. Һәр кушымта, актлар, әлеге Килешүгә өстәмәләр һәм үзгәрешләр язмача бирелә, Якларның вәкаләт бирүче вәкилләре тарафыннан кул куела, һәм әлеге килешүнең аерылгысыз өлеше булып тора.
6.3. Әлеге Килешү нәтиҗәсендә барлыкка килгән теләсә кайсы бәхәс, фикер каршылыгы яисә дәгъва, яисә аны бозу, туктату һәм гамәлдән чыгару Яклар тарафыннан судка кадәр сөйләшүләр алып бару тәртибендә хәл ителә.
6.4. Фикер каршылыгы судка кадәр хәл ителмәсә, ул суд тәртибе буенча хәл ителәчәк.
АВТОР ХОКУКЫНА ИЯ БУЛУЧЫ: ХОКУК АЛУЧЫ:
«Яңа гасыр» ТРК» АҖ
. 420095, Казан ш., Ш. Усманов ур, 9
ИНН/КПП 1653021456/165801001
р/с № 40702810800090007556
ҖЧО «Аверс» Банкында
к/с 30101810500000000774
БИК:049205774
тел: (843) 554-30-33, 570-51-00
______________/______________/ ____________/И.И. Сафиуллин/
(ФИО)
Генераль директорның
Беренче урынбасары
К Договору № ____________ от___________ 20__ г.
Акт приема – передачи
г. Казань «___» ___________20___г.
_______________________________________, именуемый в дальнейшем «Правообладатель», с одной стороны и Акционерное общество «Телерадиокомпания «Новый Век», именуемое в дальнейшем «Приобретатель», в лице Первого Заместителя Генерального директора И.И. Сафиуллина, действующего на основании Доверенности № 1 от 01.01.20__ г., с другой стороны, и, совместно именуемые «Стороны», подписали настоящее приложение о нижеследующем:
| № | Вид музыкального произведения с текстом | Наименование | Хронометраж | Автор текста | Композитор |
| 1 |
ПРАВООБЛАДАТЕЛЬ: ПРИОБРЕТАТЕЛЬ:
___________________/_______________/ _____________/ _______________ /
Язучылар берлеге рәисе Ркаил Зәйдулла бүген ТР Дәүләт Советының Мәгариф, мәдәният, фән һәм милли мәсьәләләр комитеты рәисе Айрат Зарипов белән очрашты. Эшлекле очрашуда Язучылар берлеге идарәсе әгъзасы, “Казан утлары”, “Мәйдан” журналларының баш мөхәррире Рөстәм Галиуллин да катнашты.
https://www.youtube.com/channel/UC3N3h2JtFHWQF306WGw9fBw
Бу әсәр узган гасырның 20нче елларында Идел буендагы ачлыкка багышлана. Китап АСТ нәшриятында “Елена Шубина редакциясе”ндә 70 мең данә тираж белән басылган.
Зәки Лотфулла улы Зәйнуллин — татар язучысы, галим һәм күренекле җәмәгать эшлеклесе, техник фәннәр докторы, Татарстан Язучылар берлеге әгъзасы.
(1933 елның 10 июле. Башкортстан Республикасының Эстәрлебаш районы Эстәрлебаш авылы – 2021 елның 4 марты. Башкортстан Республикасының Эстәрлебаш районы Эстәрлебаш авылы)
Казанда Татарстанның халык шагыйре, Габдулла Тукай исемендәге Дәүләт премиясе лауреаты Фәнис Яруллин истәлеген мәңгеләштерәчәкләр. Мемориаль такта урнаштыру турында тиешле карар хокукый мәгълүмат порталында басылып чыкты.
«Казанда Жуковский урамындагы 9 йорт адресы буенча урнашкан бина фасадына Фәнис. Яруллинга мемориаль такта кую турында Татарстан Республикасы Мәдәният министрлыгы, Татарстан Республикасы Баулы муниципаль районы администрациясе тәкъдимен кабул итәргә», — диелә документларның берсендә.
Тактада «шагыйрь 2005 елдан алып 2011 елга кадәр шушы йортта яшәгән», дип язылачак.
(«Татар-информ»)
17 февральдә, озакка сузылган каты авырудан соң, галим, язучы, шагыйрь Хуҗиәхмәт Шаһиәхмәт улы Мәхмүтов вафат булды. Мәрхүм белән хушлашу мәрасиме бүген – 18 февральдә 11 сәгатьтә Казан шәһәре, Карбышев урамы 40нчы йорт 74 фатир адресы буенча була.
https://tatar-inform.tatar/photo_galleries/15-02-2021/shagyr-musa-lilne-115-ellygyna-bagyshlangan-tantanadan-fotoreportazh-5806545
Мәрхүмнең туганнарының тирән кайгысын уртаклашабыз…
Хушлашу урыны һәм вакыты: 20 гыйнвар. 10.00 сәгать. “Татмедиа” бинасы янында. (Казан, Декабристлар урамы, 2 йорт).
Рафикъ Юныс туган ягында – Арча районы Кәче авылында җирләнәчәк.
Битлекләр кияргә онытмагыз!
Күргәзмә Татарстан Республикасы Милли музее һәм Муса Җәлил музей-фатирының музейара күргәзмәләр проекты кысаларында оештырылган. Ул бөек шагыйрь, Советлар Союзы Герое Муса Җәлилнең тууына 115 ел тулуга багышлана.
Мәрхүмнең якыннарына күркәм сабырлык телибез.
Хушлашу мәрасиме 2 гыйнварда 12.30 сәгатьтә “Казан нуры” мәчетендә була. Язучы “Курган” зиратында җирләнәчәк.
“Татаркино” мәдәният оешмасының ел йомгакларына багышланган матбугат очрашуында оешма җитәкчесе Миләүшә Айтуганова журналистларга яхшы хәбәр җиткерде: Мөхәммәт Мәһдиевнең “Без 41 нче ел балалары” әсәрен экраннардан фильм буларак күрә алачакбыз. Миләүшә Ләбибовна сүзләренчә, әлеге китапны ул бик авырлык белән генә тапкан. Әлеге әсәрне экранлаштыру аның күптәнге хыялы булган. Ул, гомумән, әдәби әсәрләргә битараф түгел. Тагын бер моңарчы сер итеп кенә сакланган яңалык: ел ахырында финанслау мәсьәләсе хәл ителгән һәм фильм төшерү буенча эшләр киләсе елда ук башланачак. Тулырак: https://matbugat.ru/news/?id=31447
16 декабрьдә «Татмедиа»дагы «Әдәби кафе»да Галимҗан Гыйльмановның «Албастылар» исемле яңа китабы чыгу уңаеннан автограф сессия була. Әлеге кичәдә «Албастылар» әсәренең икенче, дәвамлы басмасы тәкъдим ителәчәк. Бу турыда оештыручылар хәбәр итте.
«Әсәрнең үзәгендә мәҗүси һәм дини тәгълиматларга бөтен рухияте һәм яшәеше белән береккән Хәлимнең үз хәтере, иманы, мәхәббәте өчен көрәше сурәтләнә. Сихер дөньясында саф килеш сакланып калган Майя исемле урман кызы аның бәхетенә дә, драмасына да әверелә», диелә бу хәбәрдә.
Кызыксындыру максатыннан, китапка әсәрнең дәвамы буларак иҗат ителгән «Албастылар-2» әсәренең беренче бүлеге урнаштырылган.
Кичә Казанның Декабристлар урамындагы 2 нче йортта урнашкан бинада 16.00 сәгатьтә башлана.
(«Татар-информ»)
2020 елның 14 декабрендә Татарстан Республикасы Фәннәр академиясендә «Төрки халыкларда мәгърифәтчелек хәрәкәте һәм Абай иҗаты» дигән темага Халыкара фәнни-гамәли онлайн-конференция үткәрелә. Конференция күренекле казакъ шагыйре, мәгърифәтче, җәмәгать эшлеклесе Абай Кунанбаевның тууына 175 ел тулуга багышлана.
Әлеге чараның төп оештыручылары – Татарстан Республикасы Фәннәр академиясе, Татарстан Республикасы Фәннәр академиясенең Г. Ибраһимов исемендәге Тел, әдәбият һәм сәнгать институты, Казакъстан Республикасының Казандагы Генераль консуллыгы, Л. Гумилев исемендәге Евразия милли университеты (Нур-Солтан, Казакъстан).
Конференция эшенең төп юнәлешләре: төрки халыклар мәдәниятендә мәгърифәтчелек парадигмасы формалашу; төрки әдәбиятларда мәгърифәтчелек тенденцияләре: типологик бергәлек һәм милли үзенчәлек; төрки телле милли әдәбиятларны үстерүдә җәдитчелекнең роле; төрки халыкларда мәгърифәтчелек идеяләрен таратуда кулъязма һәм басма китапның әһәмияте; төрки халыкларда мәгърифәтчелекне үстерүдә Казан университеты һәм татар мәдрәсәләренең роле; төрки әдәби багланышлары контекстында Абай иҗаты; төрки телле әдәби тәрҗемәләрдә Абай; төрки телле халыклар әдәбиятында һәм тәнкыйтендә Абай образы.
Конференциядә катнашу өчен 60 артык фәнни доклад кабул ителде. Конференция эшендә Татарстан Республикасы һәм Казакъстан Республикасы дәүләт органнары һәм иҗтимагый оешмалары, Азәрбайҗан, Казакъстан, Үзбәкстан, Кыргызстаннан һәм Татарстан, Башкортостан, Мордовия, Удмуртия, Чувашия республикаларыннан галимнәр, югары уку йортлары укытучылары, Татарстан Республикасы Язучылар берлеге, вакытлы матбугат басмалары вәкилләре катнашуы көтелә.
Катнаушчыларны сәламлиләр:
1. Саләхов Мәкъзүм Хәлимулла улы, физика-математика фәннәре докторы, профессор, Татарстан Республикасы Фәннәр академиясе президенты, Татарстан Фәннәр академиясе академигы;
2. Мөхәммәтшин Фәрит Хәйрулла улы, Татарстан Республикасы Дәүләт Советы Рәисе;
3. Кушербаев Крымбек Елеуович, Казакъстан Республикасы Дәүләт секретаре;
4. Кошербаев Ермек Беделбаевич, Казакъстан Республикасының Россия Федерациясендәге Гадәттән тыш һәм Тулы вәкаләтле Илчесе;
5. Сыдыков Ерлан Батташевич, тарих фәннәре докторы, профессор, Л.Н. Гумилев исемендәге Евразия милли университеты ректоры, Казакъстан Республикасы Милли фәннәр академиясе академигы;
6. Габиббейли Иса Акпер оглы, филология фәннәре докторы, академик, Азәрбайҗан Милли фәннәр академиясенең беренче вице-президенты, Низами Гәнҗәви исемендәге әдәбият институты директоры;
7. Акматалиев Абдылдажан Амантурович, филология фәннәре докторы, Кыргызстан Республикасы Милли фәннәр академиясе вице-президенты, Ч. Айтматов исемендәге Тел һәм әдәбият институты директоры;
8. Махмудов Низомиддин Мамадалиевич, филология фәннәре докторы, Үзбәкстан Республикасы Фәннәр академиясенең Үзбәк теле, әдәбияты һәм фольклор институты директоры;
9. Сарбасов Магауия Канапияевич, Отандастар Фонды вице-президенты (Нур-Солтан, Казакъстан);
10. Джаксыбаев Сагит Кодебаевич, Татарстан Республикасының «Казакъстан» милли-мәдәни автономиясе җитәкчесе.
Пленар утырышта чыгыш ясыйлар:
1. Заһидуллина Дания Фатих кызы, филология фәннәре докторы, профессор, Татарстан Республикасы Фәннәр академиясе вице-президенты, Татарстан Фәннәр академиясе академигы;
2. Миңнуллин Ким Мөгаллим улы, филология фәннәре докторы, профессор, Татарстан Республикасы Фәннәр академиясенең Г. Ибраһимов исемендәге Тел, әдәбият һәм сәнгать институты директоры, Татарстан Республикасы Фәннәр академиясе мөхбир әгъзасы;
3. Есим Гарифолла Кабдыжаппарович, фәлсәфә фәннәре докторы, Л.Н. Гумилев исемендәге Евразия милли университеты профессоры, Казакъстан Республикасы Милли фәннәр академиясе академигы;
4. Кыдырали Дархан Куандыкович, тарих фәннәре докторы, профессор, Халыкара Төрки академия президенты, Казакъстан Республикасы Милли фәннәр академиясе академигы;
5. Галимуллин Фоат Галимулла улы, филология фәннәре докторы, Казан (Идел буе) федераль университеты профессоры;
6. Каскабасов Сеит Аскарович, филология фәннәре докторы, Л. Н. Гумилев исемендәге Евразия милли университеты профессоры, Казакъстан Республикасы Милли фәннәр академиясе академигы;
7. Керимов Паша Али оглу, филология фәннәре докторы, доцент, Азәрбайҗан Милли фәннәр академиясенең Мөхәммәт Физули исемендәге Кулъязмалар институтының фәнни мәсьәләләр буенча директор урынбасары;
8. Хәбибуллина Алсу Зариф кызы, филология фәннәре кандидаты, Казан (Идел буе) федераль университеты доценты;
9. Родионов Виталий Григорьевич, филология фәннәре докторы, И.Н. Ульянов исемендәге Чуваш дәүләт университеты профессоры;
10. Арзамазов Алексей Андреевич, филология фәннәре докторы, Россия Фәннәр академиясенең Урал бүлеге Удмурт федераль тикшеренү үзәгенең әйдәп баручы фәнни хезмәткәре.
Конференция Татарстан Республикасы Фәннәр академиясенең Кече залында (Казан шәһәре, Бауман урамы, 20 нче йорт) үткәрелә. Үткәрү вакыты – 11.00-13.30.
Конференциядә катнашучыларны «ZOOM» системасы аша теркәү 10.00 сәгатьтә башлана.
Zoom конференциясенә кушылу өчен сылтама: https://us02web.zoom.us/j/81439226873?pwd=TzlVTHJmcytNKzFwdjNGUFNHcHZkZz09
Конферециянең идентификаторы: 814 3922 6873
Керү өчен код: 514020 Белешмә өчен телефоннар: 8 (843)590-55-93; 89274159552; е-mail: iyali2020abay@mail.ru
Хөрмәтле каләмдәшләр! Бүген, 27 ноябрь көнне, озакка сузылган авырудан соң, 79 яшендә танылган шагыйрь, прозаик, әдәби тәнкыйтьче, Татарстанның атказанган мәдәният хезмәткәре, М.Җәлил исемендәге Республика премиясе лауреаты Хәнәфи Бәдигыйның йөрәге тибүдән туктады. Мәрхүм белән хушлашу иртәгә ул яшәгән йорт янында булачак. Адресы: Казан, Гаврилов урамы, 20 йорт. Хушлашу вакытын соңрак хәбәр итәрбез.
Хәнәфи Бәдигый Арча районы Мөрәле авылы зиратына җирләнәчәк.
Россия язучылар берлеге рәисе Николай Иванов һәм Татарстан язучылар берлеге рәисе Данил Салиховның Мәскәүдә узган эшлекле очрашуы Татарстан язучылары, җәмәгать эшлеклеләре арасында каршылыклы фикерләр тудырды. Россия берлеге белән берләшү кирәкме, моның уңай һәм тискәре яклары нинди – тапшыру шул сорауларга җавап эзләячәк.
19 сәгатьтә башлана! Күрми калмагыз!
«Роман ачлык белән интеккән Идел буе балаларын коткару хакында. Вакыйгалар 1923 елда бер поездда бара. Сүз алты атнага сузылган юлга чыккан эшелон турында Китап март аенда басылып чыгар дип уйлыйм. Эшче исеме — «Эшелон на Самарканд». Әлегә шуны гына әйтә алам», — дип язган ул. Язучы яңа романын роман-сәяхәт, роман-маҗара дип атый.
(“Идел” журналы аккаунтыннан)
Бүген Удмуртия Республикасы башкаласы Ижау шәһәрендә язучы Ринат Батталов истәлегенә мемориаль такта ачылды. Мемориаль такта язучы 1994 елдан 2018 елга кадәр яшәгән йорт (Гагарин урамы, 37нче йорт) диварына куелган. Чарада Язучылар берлеге рәисе Данил Салихов, шагыйрь Рифат Җамал, Ринат Батталовның туганнары, шәһәрнең татар җәмәгатьчелеге вәкилләре катнашты.
Уфа «Нур» Татар дәүләт театрында Мансур Гыйләҗевның «Көлмәгез, мин үләм» комедиясе буенча спектакль чыкты. Режиссеры – Азат Җиһаншин.
Якыннарының кайгысын уртаклашабыз. Урыны җәннәттә булсын…
Каһарман язучы Фатих Кәримнең кызы, күренекле җәмәгать эшлеклесе, әтисенең иҗади мирасын бөртекләп җыйган, кадерләп саклаган зыялы шәхес Ләйлә Кәримова вафат. . . Мәрхүмәнең урыны җәннәттә булсын. Туганнарына сабырлык телибез.
Китап «Ил көзгесе син, авылым, Ташлы-Елгам» дип атала.
Туганнарының тирән кайгысын уртаклашабыз. Мәрхүмнең урыны җәннәтә булсын…
(Рәмис Аймәт фотолары)
(Марат Закир һәм Рәмис Аймәт фотолары)
Фәйзи Әхмәт улы Галиев 1925 елның 2 июлендә Татарстан Республикасының Әтнә районы Түбән Шашы авылында крәстиян гаиләсендә туып үсә. Күрше Күңгәр авылының җидееллык мәктәбен тәмамлагач та хезмәт юлын башлый: туган авылы «Чулпан» колхозында хисапчы булып эшли. Бер үк вакытта 1941-1942 елларда авыл яшьләренең комсомол оешмасын җитәкли.
1990 елдан Язучылар берлеге әгъзасы иде.
Мәрхүмнең урыны җәннәттә булсын. Якыннарына күркәм сабырлык телибез…
Якыннарының тирән кайгысын уртаклашабыз. Урыны җәннәттә булсын…
Кунаклар арасында ишанның дүртенче буын оныгы Җәвәт Имашев, әлеге сәяхәтне башлап йөрүче прозаик язучы Әкълимә Сафина, аның ярдәмчесе Зөбәйдә Кәләмова, яшь шагыйрьләр Эльвина Зәйнетдинова, Гүзәлия Динмөхәммәтова бар.
30 сентябрьдә Әлфия Афзалова исемендәге Актаныш мәдәният сараенда Гамил Афзал исемендәге «Яшьләр каләме» республикакүләм иҗат фестивален йомгаклау була. Чарада Татарстан язучылары катнаша.
29 сентябрьдә Яшел Үзән Үзәк китапханәсенең 30нчы номерлы филиалында «Халык юлы белән китап юлы…» дип аталган иҗади очрашу була. ТАССРның 100 еллыгына багышланган иҗади очрашу 12 сәгатьтә башлана. (Яшел Үзән ш., Ленин ур., 46нчы йорт)
Очрашуда Татарстан язучылары да катнашачак.
Бу фильм Татарстан һәм Казахстанның уртак проекты. Сценарийны Казахстан язучысы Бекбулат Шекеров язган. Режиссер — Юлия Захарова, костюмнар буенча рәссам — Ләйсән Хаҗиева.
Бүген шагыйрь, Татарстанның атказанган сәнгать эшлеклесе Әхмәт Рәшитнең йөрәге тибүдән туктады. . .
Хушлашу иртәгә – 25 сентябрьдә Казанның Фатих Әмирхан проспекты 45нче йорт адресы буенча булачак. Мәрәсим сәгать 10 да башлана. Әхмәт Рәшит туган җирендә – Буа районының Яңа Чәчкап авылында җирләнәчәк.
Татарстан язучылары мәрхүмнең якыннарының тирән кайгысын уртаклашалар. Урыны җәннәттә булсын.
Бүген туган җире – Апас районы Шыгай авылында – күренекле драматург, Татарстанның атказанган сәнгать эшлеклесе Әмир Камалиев (Аманулла) исемендәге музей ачыла. Чарада Татарстан Язучылар берлеге рәисе Данил Салихов, язучының каләмдәшләре катнаша.
Чаллыда 2019 ел дәвамында «Көмеш кыңгырау» газетасы белән актив хезмәттәшлек иткән, кызыклы, әдәби яктан игътибарга лаек шигырь, хикәяләре басылып чыккан балаларга һәм бер өлкән авторга Шәүкәт Галиев премияләре тапшырылды.
Искә алу мәрәсимендә мәшһүрләрнең туганнары да катнашты. (Ләбиб Лерон фотолары)
Татарстанның халык шагыйре, Г.Тукай исемендәге Дәүләт премиясе лауреаты Разил Вәлиев сентябрьдә «Яңа гасыр» телерадиокомпаниясе генераль директорының киңәшчесе вазифасына кереште. «Киңәшче вазифасы татар телендә чыккан тапшырулар өчен җавап бирә. Тапшыруларның эчтәлегенә, татар теленең кулланышына анализ ясап, җитәкчелеккә төрле киңәшләр бирә. Төп эш — аналитика», — дип аңлатты Разил Вәлиев.
(Чыганак – «Татар-информ»)
Бу көтелгән чарада Татарстан Республикасы президенты Рөстәм Миңнеханов, шәһәр хакиме Наил Мәһдиев чыгыш ясады. Бәйрәмдә Аяз Гыйләҗевның гаиләсе, Чаллы язучылары, сәнгать әһелләре катнашты.
Санкт-Петербургның Калинин районындагы 146 нчы мәктәптә герой-шагыйрь Муса Җәлилгә багышланган Батырлык почмагы һәм Хәтер стенды барлыкка килде
Озакка сузылган каты авырудан соң әдәбият тәнкыйтьчесе, шагыйрь, нашир Мөдәррис Вәлиев вафат булды. Аңа быел май аенда 67 яшь тулган иде.
Мәрхүмнең урыны җәннәттә булсын, Ходай якыннарына сабырлык бирсен.
Хушлашу вакытын һәм урынын соңрак хәбәр итәрбез…
Татарстан язучылары мәрхүмнең туганнарының тирән кайгысын уртаклашалар. Урыны җәннәттә булсын…
Мәрхүмнең туганнарының кайгысын уртаклашабыз…
Бүген Татарстан Язучылар берлеге рәисе Данил Салихов Иркутск өлкәсе Язучылар оешмасы җитәкчесе Татьяна Ясникованы кабул итте. Очрашуда сүз үзара иҗади хезмәттәшлек, уртак проектларны гамәлгә ашыру турында барды.
Татар каһарманының батырлыклары һәм фаҗигалы язмышы турында Мәскәү өлкәсе Воскресенск шәһәрендә төбәк тарихын өйрәнүче Виктор Лысенков язган.
Тулырак: https://tatar-inform.tatar/news/tatar_world/14-08-2020/musa-lilne-k-r-sht-she-shagyyr-hm-t-simaev-turynda-kitap-chykty
Бүген , 14 августта, 17 сәгатьтә бөек татар шагыйре Габдулла Тукайның Мәскәүнең Новокузнецкая урамындагы бакчада куелган һәйкәленә чәчәкләр салу тантанасы була.
18 сәгатьтә башкаланың Татар мәдәни үзәгендә Татарстан язучылары, шагыйрьләре катнашында иҗат кичәсе башлана.
Татар язучылары Ленар Шәех, Ркаил Зәйдулла. Ләбиб Лерон, Рөстәм Галиуллин, Гөлүсә Батталны котлыйбыз!
Мәрхүмне соңгы юлга озату вакыты һәм урыны әлегә билгеле түгел.
Урыны җәннәттә булсын. Якыннарына авыр кайгыны күтәрерлек күркәм сабырлык телибез…
Аңа 2020 елның гыйнварында 90 яшь тулган иде. Мәрхүм белән хушлашу бүген – 19 июльдә 13 сәгатьтә Казан шәһәре, Ноксинский спуск 7 нче йорт адресы буенча була.
Якыннарына сабырлык телибез. Мәрхүмнең урыны җәннәттә булсын.
Айдар Метшин катнашында узган күчмә киңәшмәдә бронза сын турында фикер алыштылар. Бу турыда Түбән Кама муниципаль районы рәсми сайтында хәбәр ителә. Композициянең биеклеге ике метрдан артык, ул көзен ачылачак.
2020 елның 2 июлендә , озакка сузылган авырудан соң, Фәнил Галиев вафат булды. Язучы Татарстанның Теләче бистәсендә яши иде.2019 елның июль азагында аңа 80 яшь тулды. Мәрхүмне бүген- 3 июльдә – әтисенең туган авылы – Теләче районының Ырымширмә авылында җирлиләр.
Урыны җәннәттә булсын.
Якыннарына Ходай сабырлык бирсен…
Республикабыз җәмәгатьчелеге авыр югалтуга дучар булды. 15 июнь көнне танылган язучы Әхмәт Дусайлының 71 нче яшендә йөрәге тибүдән туктады.
Әхмәт Дусайлы (Әхмәтҗан Хәсән улы Хәмәдишин) 1949 елның 20 августында Татарстанның Мөслим районы Дусай авылында туа. Уку, белемгә омтылу белән бергә, яшьтән үк хезмәт чыныгуы алып үсә: йөкчедән алып инженер-технологка кадәр күп һөнәрләр үзләштерә. Узган гасырның сиксәненче еллары башында КамАЗда кыручы булып эшләгәндә беренче хикәясен яза. Шул вакыттан бирле, гәрчә тезмә әсәрләр, шигырьләр язу белән мавыгуын ташлап бетермәсә дә, төп иҗат юнәлеше итеп проза жанрын сайлый. Тәүге хикәяләре, очерк язмалары Мөслим һәм Тукай район газеталарында, «Ялкын», «Казан утлары», «Аргамак», «Идел» журналларында, «Әфган кызалаклары» (1991) кебек күмәк җыентыкларда дөнья күрә, ә 1992 елда «КамАЗ» нәшриятында повесть һәм хикәяләре тупланган мөстәкыйль китабы басылып чыга.
1994 елда Әхмәт Дусайлы бер төркем Чаллы журналистлары белән берлектә «Хәерле иртә» исемле газета һәм тагын бер елдан газета каршында шул ук исемдә хосусый нәшрият оештыра. Мөхәррир-нашир буларак, газетаны да, нәшриятны да ул үзе җитәкли. Әлеге нәшриятта 2000 елга кадәр төбәк язучыларының дистәләгән шигырь һәм проза китаплары нәшер ителә.
Ә.Дусайлы – 1997 елдан Татарстан Язучылар берлеге әгъзасы иде.
Язучыга үз эшенә бирелгәнлек, зур җаваплылык, кешеләрне ярату кебек сыйфатлар хас иде. Аның иҗади эшчәнлеге чын мәгънәсендә халкыбызның алыштыргысыз милли байлыгына әверелде.
Аның якты истәлеге күңелләребездә озак сакланыр.
Мәрхүмне иртәгә -17 июньдә Мөслим районы Баек авылы зиратына җирлиләр…
Язучы Шаһинур Мостафинның гаиләсе һәм якын туганнары, аны сонгы юлга озатуны оештырган, анда катнашкан, ярдәм күрсәткән Татарстан Республикасы җитәкчелегенә, Язучылар Берлеге рәисе Данил Салиховка, язучыларга, Мамадыш муниципаль районы башлыгы, район Советы рәисе Анатолий Петрович Ивановка, аның кул астында эшләүче барлык җитәкче-оештыручыларга, Мамадыш шәһәре туган төбәкне өйрәнү музей хезмәткәрләренә, Урта Кирмән авыл җирлеге башлыгы Хасанов Булат Фаязовичка, Урта Кирмән урта мәктәбе коллективына, авылдашларыбызга, якташларыбызга, тугры дусларына, туганнарыбызга һәм соңгы елларында аның тормышында һәм иҗатында зур терәге, тугры тормыш юлдашы булган, армый-талмый аны яшәтер өчен бар көчен кызганмый тырышкан Фирая ханым Маликовага, аның балаларына, кияү-киленнәренә, барча туганнарына чиксез рәхмәтебезне белдерәбез.
Республикабыз җәмәгатьчелеге авыр югалтуга дучар булды. 14 июнь көнне танылган шагыйрә Иделбикәнең 90 нчы яшендә йөрәге тибүдән туктады.
Шагыйрә Иделбикә (Садыйкова-Сабитова Лена Бинъямин кызы) 1930 елның 19 августында Башкортстанның Мәчетле районы Яңа Мөслим авылында укытучылар гаиләсендә бишенче бала булып дөньяга килә. Әтисе Бинъямин Зариф улы, Уфада «Галия» мәдрәсәсен тәмамлаган тәҗрибәле укытучы булып, әнисе Гыйззениса Зәки кызы да Казанда «Мөхәммәдия» мәдрәсәсенең кыз балалар мәктәбендә тәгълим-тәрбия алган мәгърифәтле мөгаллимә була.
1938–1945 елларда Лена туган авылының җидееллык мәктәбендә укый, сигезенче сыйныфны күрше Олы Ака авылы мәктәбендә дәвам иттерә.
1943 елда әнисе вафат булып, әтисе икенче мәртәбә өйләнеп яңа гаилә коргач, 1946 елны Лена, укуын ташлап, Первоуральск шәһәрендә яшәүче апасы янына күчеп китә һәм, тормыш шартлары үтә дә кыен булуга карамастан, тырыша-тырмаша сигезенче сыйныфны тәмамлап, әүвәл икмәк пешерү заводында кара эшче, аннары торбалар җитештерү заводында ОТК контролеры булып хезмәт юлын башлый. Эшеннән аерылмыйча кичке техникумда укып, дипломлы техник-контролер һөнәренә ия була. Шулай дүрт ел эшләп-укып яшәгәннән соң, апасы кияүгә чыгу сәбәпле, Лена янә урыныннан кузгала – Урта Азиягә, икенче апасы янына Ташкентка юнәлә.
Анда берьеллык геодезия һәм картография курсларын тәмамлап, шул белгечлек буенча дүрт елдан артык картография цехында хезмәт итә, эшче яшьләрнең кичке мәктәбендә укып, өлгергәнлек аттестаты ала. 1955 елда гаилә корып җибәргәч, Лена Садыйкова хезмәт юлын ире эшләгән төбәкләрдә (Новокузнецкида, Ульяновск өлкәсенең Барыш һәм Ульяновcк шәһәрләрендә) дәвам иттерә: картограф булып, газета редакцияләрендә корректор, корреспондент булып эшли. 1967-1973 елларда читтән торып, Ульяновск педагогия институтының рус теле һәм әдәбияты факультетын тәмамлый.
Иделбикә Ульяновск шәһәрендә 1989 елда татарча чыга башлаган «Өмет» газетасы белән беренче көннәреннән үк хезмәттәшлек итә, Татарстанда «Казан утлары», «Сөембикә», «Аргамак», «Мәйдан» журналлары, «Шәһри Казан», «Сабантуй», «Заман-Татарстан», «Ватаным Татарстан» газеталарында даими языша. Башкортстанда да аның исеме мәгълүм. Шулай да шагыйрәнең дөнья күргән беренче ике шигъри җыентыгы – «Мәхәббәтнең мең фасылы» (1997) һәм «Бәхеткә үс, Кеше!» (2000) исемле китаплары икесе дә әүвәл Ульяновск шәһәрендә нәшер ителә. 2003 елда «Дөнья авазлары», 2019 елда «Җан җиме җимешләре» дигән өченче китабы басылып чыга.
Иделбикәнең русчага тәрҗемә шигырьләре дә байтак. Аларның күпчелеге Таулы Алтай шәһәрендә яшәүче кызы рус телендә иҗат итүче шагыйрә Лилия Юсупова тарафыннан тәрҗемә ителә һәм аның «Незримый свет» (1997), «Неслучайная встреча» (1998), «Качнется маятник» (1999), «Двойной портрет» (1999), «Избранное» (2002) дип аталган шигъри китапларында урын ала.
Иделбикә – 2001 елдан Татарстан Язучылар берлеге әгъзасы.
Язучыга үз эшенә бирелгәнлек, зур җаваплылык, кешеләрне ярату кебек сыйфатлар хас иде. Аның иҗади эшчәнлеге чын мәгънәсендә халкыбызның алыштыргысыз милли байлыгына әверелде.
Аның якты истәлеге күңелләребездә озак сакланыр.
Татарстан Республикасы Мәдәният министрлыгы
Татарстан Республикасы Язучылар берлеге
Бүген – Халыкара балаларны яклау көне. Язучылар берлегенең Фейсбук, Вконтакте, Инстаграм социаль челтәрләрендәге аккаунтларында балалар язучыларының видеокотлаулары урнаштырылды.
Дәүләт бюджет оешмасы «Идел» яшьләр үзәге 2000 елның 1 сентябреннән татар телендә иҗат итүче яшь язучылар, шагыйрьләр, драматурглар өчен тәүге тапкыр «Иделем акчарлагы» бәйгесен оештырып җибәрә. Ул традицион рәвештә ел саен уздырылып килә.
1. МАКСАТ
Талантлы яшь каләм ияләрен барлау, берләштерү, иҗатларын активлаштыру.
2. БУРЫЧЛАР
• яшь язучыларның иҗат мөмкинлекләрен чынга ашыру, үстерүгә шартлар булдыру;
• иҗади һәм профессиональ бәйләнешләрне ныгыту;
• татар әдәбиятын һәм сәнгатен пропагандалау.
3. ОЕШТЫРУЧЫЛАР
• Татарстан Республикасы яшьләр эшләре министрлыгы;
• Дәүләт бюджет оешмасы «Идел» яшьләр үзәге.
4. БӘЙГЕНЕ УЗДЫРУ ВАКЫТЫ ҺӘМ УРЫНЫ
Бәйге өч этаптан тора:
I этап – әдәби әсәрләрне кабул итү (2020 елның апреленнән 30 нчы сентябренә кадәр).
II этап – сайлап алу туры. Жюри тарафыннан әдәби әсәрләрне тикшерү, бәяләү (2020 елның 1 октябреннән 31 октябренә кадәр).
III этап – йомгаклау өлеше: алдан төзелгән программа нигезендә, әсәрләре жюри тарафыннан уңай бәяләнгән конкурсантлар өчен иҗат мәктәбе оештыру (2020 ел ноябре).
5. БӘЙГЕНЕҢ ТАЛӘПЛӘРЕ.
Бәйгедә Татарстан Республикасы һәм Россия Федерациясенең башка төбәкләрендә, чит илләрдә яшәүче, татар телендә иҗат итүче яшь каләм ияләре катнаша ала.
Катнашучыларның яше 14тән алып 30га кадәр.
Бәйге түбәндәге номинацияләрдә үткәрелә:
ü поэзия;
ü проза;
ü драматургия;
ü балалар әдәбияты (төрле жанрда: шигырьләр, хикәяләр, әкиятләр, фэнтези). Әлеге номинация буенча катнашучы әсәрләр 4-14 яшьлек укучылар аудиториясен күздә тотарга тиеш. Бәйгенең беренче этабына әдәби әсәрләр idelem.akcharlagi@gmail.com электрон адресы буенча 2020 елның 30 сентябренә 23:59 сәгатькә кадәр кабул ителә.
Кыска күләмле әсәрләрнең (шигырь, нәсер, парча һ.б.) саны өчтән дә ким булмавы шарт.
Катнашучы, әсәрләре белән бергә, үзе турында кыскача мәгълүмат һәм заявка тутырып җибәрергә тиеш (Кушымта 1).
Әсәрләрне түбәндәге таләпләргә туры китереп эшләргә кирәк: Times New Roman шрифтында, 12 нче кегль, 1,5 интервалда.
Бәйгедә автор үзе иҗат иткән әсәр белән генә катнаша ала.
Алдагы еллардагы Гран-при ияләре бәйгедә катнаша алмый.
Бәйгедә бер үк әсәр белән икенче тапкыр катнашып булмый.
Югарыда күрсәтелгән таләпләргә туры килмәгән әсәрләр бәйгедә каралмый.
6. АВТОРЛЫК ХОКУКЛАРЫ ҺӘМ КОНКУРСКА КИЛГӘН МАТЕРИАЛЛАРНЫ КУЛЛАНУ
Бәйгегә әсәр җибәрү белән катнашучы аны бастыруга һәм интернет-ресурсларга урнаштыруга ризалык бирә. Оештыручылар, автор һәм әсәрнең исемен күрсәтеп, автор ризалыгыннан башка, бәйгегә килгән эшләрне куллану мөмкинлегенә ия була (катнашучы 3 нче турга үтсә, җыентыкта бастыру өчен һ.б.).
Әсәрләрне бәйгегә җибәргән очракта, катнашучы бәйге шартлары белән килешә.
7. БӘЙГЕГӘ НӘТИҖӘ ЯСАУ ҺӘМ БҮЛӘКЛӘҮ
Бәйгедә катнашучыларның әсәрләре мәртәбәле жюри тарафыннан бәяләнәчәк. Барлык номинацияләрдә дә беренче, икенче, өченче урыннар һәм Гран-прига лаек булучылар билгеләнә. Болардан тыш махсус һәм кызыксындыру бүләкләре дә каралган. Әмма жюри хөкеме буенча һәр номинациядә барлык призлы урыннар яки Гран-при билгеләнмәскә дә мөмкин.
Бәйгенең нәтиҗәләре буенча иң яхшы әсәрләр «Иделем акчарлагы» әдәби җыентыгында урын алачак.
Барлык катнашучыларга электрон сертификат бирелә. Катнашучы сертификаты pdf форматында электрон почтага җибәрелә.
8. ЖЮРИ СОСТАВЫ
Жюри рәисе һәм әгъзалары оештыручылар тарафыннан билгеләнә. Ел саен жюри әгъзаларының составы үзгәрергә мөмкин.
9. ОЕШТЫРУ КОМИТЕТЫ
«Идел» яшьләр үзәге.
420021, Казан шәһәре, Г.Тукай урамы, 58 йорт, 307 офис.
Тел./факс: 231-81-54 Е-mail: idelem.akcharlagi@gmail.com Рәсми сайт: www.mc-idel.ru
Флешмоб Язучылар берлегенең Вконтакте, Инстаграм, Фейсбук социаль челтәрләрендәге төркемнәрендә бара. Кушылыгыз!
Гүзәл Яхинаның шул ук исемдәге романы буенча төшерелгән сериалны “Россия 1” телеканалы 13 апрельдә күрсәтә башлый.
Озакка сузылган каты авырудан соң прозаик, шагыйрь, публицист Равил Вәлиев вафат булды. Мәрхүмне Самосырово бистәсендәге мөселман зиратына җирләделәр. Короновирус таралу куркынычы чоры булу сәбәпле, хушлашу мәрәсиме тыйнак узды. Язучыны соңгы юлга озатуны туганнары һәм Берлек тәкъдим иткән ритуаль хезмәтләр оештырды. Каләмдәшебезнең урыны җәннәттә булсын…
Бүген төнлә 71 яшендә Татарстанның халык шагыйре Роберт Миңнуллин вафат булды. Мәрхүм белән хушлашу иртәгә – 28 март көнне Г. Камал театры каршындагы мәйданда узачак. Башлана – 9 сәгатьтә.
(Вирус таралу чоры булу сәбәпле, хушлашуга медицина битлекләреннән килү, тәкъдим ителгән барлык саклану чараларын күрү сорала)
Язучы Казанның Яңа бистә мөселман зиратында җирләнәчәк.
Миллионлаган татарларның сөекле шагыйре, халкыбызның данлы улы Роберт Миңнуллинның урыны җәннәттә булсын. Якыннарына күркәм сабырлык телибез…
Әлмәт шәһәренең 2 мәктәп укучылары әлеге проект кысасында балалар язучылары Лилия һәм Резеда Фәрхетдиновалар белән очраштылар.
Шагыйрь Кадыйр Сибгатуллинның җәмәгате Фәния ханым вафат. Туганнарының тирән кайгысын уртаклашабыз. Ходай сабырлык бирсен…
Бәйге 12 мартта шәһәрнең «Йолдызлык» гимназиясендә «Туган телләр атналыгы» кысаларында оештырыла. Башлана – 9 сәгатьтә. Бәйгедә катнашучыларга бәяне балалар язучылары Рафис Корбан һәм Йолдыз Шәрәпова да бирәчәк.
Хушлашу бүген Чистай урамы 6нчы йорт янында 9.30 сәгатьтә була. Әдип туган ягында җирләнәчәк. Урыны җәннәттә булсын. . . Якыннарына күркәм сабырлыклар телибез.
VI Бөтенроссия фәнни-эзләнү конференциясендә А.Алиш премиясе лауреатлары Рафис Корбан, Фәйрүзә Мөслимова, Дания Гайнетдинова, Йолдыз Шәрәпова, Нурия Сәйяр катнашты.
Сценарий авторы – Рәхимә Арсланова.
Чараларда Татарстан язучылары Данил Салихов, Вахит Имамов, Ләбиб Лерон катнаша.
Әлеге вакыйга уңаеннан 28 февральдә Чаллыда тантаналы чаралар узачак
«Заманча белем бирү технологияләрен куллану, яңа чордагы дәресләрнең нәтиҗәлелеген күтәрү» дип аталган семинар бүген Татарстанның Лаеш районы Сокуры урта мәктәбендә уза. Чарада Зиннур Мансуров, Данил Салихов, Галимҗан Гыйльманов чыгыш ясады.
Бибимәмдүдә абыстан рухына Коръән ашына татар язучылары, галимнәр, дәүләт эшлеклеләре, артистлар чакырылган.
Әдәбият бәйрәмендә Казаннан бертөркем каләм әһелләре катнашуы көтелә.
Язучыны дәрәҗәле премиягә «Казан» милли-мәдәни үзәге тәкъдим итә.
Муса Җәлил иҗатына багышланган «Гомерем минем моңлы бер җыр иде» дип аталган конкурс 15 февральдә өлкәнең Түбән Сырга районы Әрәкәй авылында була.
Әлеге басмага 1940-1949 елларда туып шигърияткә узган гасырның 60-70нче елларында килгән әдипләр турындагы мәкаләләр тупланган. Китап геройлары –Рәдиф Гаташ, Ренат Харис, Гәрәй Рәхим, Айдар Хәлим, Кадыйр Сибгат, Равил Фәйзуллин, Лена Шагыйрьҗан, Харрас Әюп, Мөдәррис Әгъләм, Зөлфәт, Разил Вәлиев, Роберт Миңнуллин, Зиннур Мансуров.
Китап һәм аны сатып алу хакында өстәмә мәгълүматны: rsarchin@yandex.ru электрон почтасы аша алып була.
Муса Җәлилнең туган көне уңаеннан шагыйрьнең 1 Май мәйданындагы һәйкәленә чәчәкләр салыначак. Тантаналы чара 2020 елның 15 нче февралендә 11.30 сәгатьтә башлана.
Татарстан Язучылар берлеге Идарәсе тарафыннан
Г.Тукай исемендәге дәүләт премиясенә тәкъдим ителгән язучылар:
1. Лирон Хәмидуллин – “Буранлы төндә” (хикәя, очерк, повестьлар, ТКН, 2012), “Зарницы на горизонте” (рассказы, очерки, документальные повести, ТКИ, 2017), “Дәрдемәнд” (альбом, татар һәм рус телләрендә, ТКН, 2003);
2. Фәүзия Бәйрәмова – «Һиҗрәт» (Казан, Аяз. 2017), “Гөләйза” (Казан, Аяз. 2018);
3. Галимҗан Гыйльманов – “Албастылар” (роман, ТКН, 2003), “Тәкъдиргә юл” (хикәяләр, новеллалар, Рухият, 2014), “Ходай бүләге” (бәяннар, ТКН, 2016);
4. Факил Сафин – “Саташып аткан таң” (роман-трилогия, ТКН, 2003); “Гөлҗиһан” (повесть, Казан, 2013, ”Идел-Пресс”);
5. Рауль Мир-Хәйдәров – «Вот и всё…я пишу вам с вокзала» (мемуары, Казань, 2018, ”Идел-Пресс”)
Мәскәүнең Библио-Глобус китап кибете сайтында матур әдәбият бүлегендә сатып алулар саны буенча әлеге китапның 4 нче урында икәнлеге хакында мәгълүмат бар.
2020 елның гыйнвар азагында Әлмәт Татар дәүләт драма театрында танылган драматург Мансур Гыйләҗевның “Микулай” әсәре буенча куелган спектакльнең премьерасы узды. Спектакльне сәхнәгә хакас режиссеры Марас Чеббур куйды, рәссам – Алан Саймин, хореограф – Алинә Мостаева.
Пьеса 2019 елның июлендә Туфан Миңнуллин исемендәге II Бөтенроссия драматурглар семинарында укылган һәм семинарда катнашучылар тарафыннан югары бәяләнгән иде.
Шамил Идиатуллинның «Бывшая Ленина» һәм Булат Хановның «Непостоянные величины» китаплары дәрәҗәле премиягә дәгъва итә. Китаплар «Милли бестселлер» әдәби премиясенә тәкъдим ителгән. Нәтиҗәләр 30 майда ясала. «Милли бестселлер» әдәби премиясенең суммасы – 1 000 000 сум.
Бүген – 2020 елның 30 гыйнварында «Иннополис»та Татарстан Мәдәният министрлыгының йомгаклау коллегиясе утырышы бара. Утырыштан онлайн трансляцияне Мәдәният министрлыгының официаль сайтында https://www.youtube.com/watch?v=s7jVngjegDM сылтамасы буенча карарга мөмкин.
Тикшерүгә Раил Гатауллинның «Идел» журналында – 2020 елның гыйнвар санында чыккан шигырьләре куела. Утырышка язучыларны, китап укучыларны чакырабыз. 22 гыйнварда 11 сәгатьтә Язучылар берлегенең Конференцияләр залына рәхим итегез!
