Әтнә районы Күәм урта мәктәбендә – күренекле авылдашлары, шагыйрь, эзтабар язучы Самат Шакирның тууына 100 ел тулу уңаеннан әдәби-музыкаль кичә булды. Самат Шакир шигырьләрен, аның сүзләренә язылган җырларны укучылар бик теләп башкардылар. Әлеге кичәдә Татарстан Язучылар берлеге әгъзасы, шагыйрә Гөлүсә Батталова да катнашты. Самат Шакир кебек күпкырлы шәхеснең иҗаты, аның иҗтимагый эшчәнлеге еллар узган саен тагын да актуальләшә, яңа заман күзлегеннән чыгып яңача өйрәнүне көтә.
Яңа комментарий өстәргә