Минзифа Хәйретдин кызы Әхмәтшина 1955 елның 10 июнендә Чистай районы Татар Сарсазы авылында туган.
1985-1990 елларда XI чыгарылыш Югары Совет депутаты булып сайлана. 2000 елда Татарстан Язучылар берлегенең яшьләр иҗаты белән эшләү бүлеге җитәкчесе, язучы Әхмәт Гадел аның шигырьләренә югары бәя биреп бер җыентык чыгарырга тәкъдим итә. 2001 елда беренче «Мәхәббәт дастаны» дигән шигырьләр, ноталары белән җырлар китабы дөнья күрә. Тукай клубында (Казан, 26.11.2001ел) китапны тәкъдир итү кичәсе үтә. Миңзифа Әхмәтшина унбиш елга якын Әлмәт дәүләт нефть институтының “Студентларның ял һәм сәләмәтләндерү үзәге”ндә «Әдәби кунакхәнә» иҗат студиясенең җитәкчесе булып эшли.
Хезмәт юлын Чистай сәгать заводында башлый. Уңышлары өчен «Коммунистик хезмәт алдынгысы» (Ударник коммунистического труда). Читтән торып Минзәлә авыл хуҗалыгы техникумының Әлмәттәге филиалын, аннан Алабуга культура-агарту көллиятен тәмамлый. Авыл хуҗалыгында эшли, яхшы күрсәткечләргә ирешкәне өчен 1989 елда ВДНХның Мактау кәгазенә лаек була. 1985-1990 елларда XI чакырылыш Татарстан Югары Советында депутатлыкка сайлана.
1997 нче елдан авыл мәдәният йортында үзешчән сәнгать җитәкчесе булып эшли башлый. Шул вакытта район китапхәнәсе каршында оештырылган «Энжеләр» әдәби түгәрәгенең актив әгъзасы булып, каләм тибрәтүче яшь талантларны барлауда башлап йөри. Ай саен чыга торган совхоз стена газетасының редакторы да, язучысы да, үзе үк рәссамы да була. Беренче шигырьләре, авыл вакыйгаларын чагылдырган язмалары районның «Чистай хәбәрләре» газетасында, соңрак Республикабызның «Ватаным Татарстан», «Мәдәни җомга», «Аргамак», «Заман сулышы», «Тормыш кыры» (Лениногорск) газеталарында, «Сөембикә», «Мәйдан», «Идел» журналларында басыла.
Үзенең шигырьләренә көйләр дә яза Минзифа Әхмәтшина. 2000 елдан ул Үзешчән Композиторлар берлеге әгъзасы. Хәния Фәрхи, Искәндәр Биктаһиров, Руслан Кирамутдинов, Ильназ Гарипов, Сәгыйт Гыйбашев (Казан), Мәдинә Гайнуллина, Луиза Якупова (Әлмәт), Илсөяр Зарипова ( Яр Чаллы)лар аның җырларын халыкка ирештерделәр инде. Хәния Фәрхи башкаруында популяр яңгыраган “Бэхетем, син, минем” жыры “Ел җыры-95” бәйгесендә җиңүче булды.
2000 елда Татарстан Язучылар берлегенең яшьләр иҗаты белән эшләү бүлеге җитәкчесе, язучы Әхмәт Гадел аның шигырьләренә югары бәя биреп бер җыентык чыгарырга тәкъдим итә. 2001 елда беренче «Мәхәббәт дастаны» дигән шигырьләр, ноталары белән җырлар китабы дөнья күрә. Тукай клубында (Казан, 26.11.2001ел) китапны тәкъдир итү кичәсе үтә.
Язмыш җиле 2003 елда аны Әлмәт төбәгенә алып килә. С.Сөләйманова, Г.Афзал, Н.Әхмәдиев, К.Булатовалары белән танылган Әлмәт язучылар оешмасында эшли башлый. Миңзифа Әхмәтшина унбиш елга якын Әлмәт дәүләт нефть институтының Студентларның ял һәм сәләмәтләндерү үзәгендә «Әдәби кунакхәнә» иҗат студиясенең җитәкчесе һәм студентлар иҗатының С.Сөләйманова исемендәге “Тормыш, исәнме!” Республика фестиваленең җаваплы хезмәткәре булып та нефть төбәгенең югары һәм урта белем бирү уку йортларында укучы каләм тибрәтүче яшьләрнең талантларын ачуда актив хезмәт алып бара. Президентыбыз тарафыннан бирелгән мактаулы исемгә дә шуннан юллама ала.
“Мәдәният өлкәсендәге казанышлары өчен” күкрәк билгесе, Татарстан Республикасының Яшьләр, спорт һәм туризм Министрлыгының, Россия Татнефтегазстрой профсоюзларының, “Татнефть” ачык акционерлык җәмгыятенең, “Рухият” рухи яңарыш фондының, Татарстан Язучылар берлегенең һ.б. бик күп Мактау грамоталары аның хезмәтен бәяләп тора. Актив хезмәте өчен “Татарстанның атказанган мәдәният хезмәткәре” исеменә лаек булды.
Бүгенге көндә Минзифа Әхмәтшина Татарстан Язучылар берлегенең Әлмәт бүлегендә администратор булып эшли, оешма каршында эшләп килүче С.Сөләйманова исемендәге «Кызыл каурыйлар» әдәби берләшмәсе җитәкчесе. Бөтендөнья Татар Конгрессы каршында эшләп килүче татар төбәкчеләре берләшмәсе әгъзасы (2019).
«Күңелем канаты» дигән китабы өчен 2011 елда Рафаил Төхфәтуллин исемендәге, «Сары яулык» китабы өчен 2013 елда Саҗидә Сөләйманованың кызыксындыру премиясенә, «Яшәгән ди кәбестә» китабы өчен 2017 елда Кояш Тимбикова исемендәге әдәби премияләре лауреаты. Минзифа Әхмәтшина 2010 елдан Татарстан Язучылар берлеге әгъзасы. Әлмәт шәһәрендә яши.
Басма китаплары:
“Мәхәббәт дастаны” (2000);
«Күңелем канаты» (2004);
“Хыялымда кайтам” (2006);
“Сары яулык” (2010);
“И, хатын-кыз” – “О, женщина!” – рус теленә тәрҗемә белән (2015),
“Табылдык” – Балалар өчен шигырьләр, кыска хикәяләр (2014);
Рус теленә тәрҗемә белән “Яшәгән ди, кәбестә” –“Җила-была капуста” (2017);
“Иңнәремдә ак җилкән” – шигырьләр (2019);
“Минем кадерлеләрем” (2018) тарихи китап.
Күмәк җыентыкларда:
“Эти тёплые строки о тебе” – Сборник. Казан – 2001;
“Балаларга бүләк”– “Подарок детям” –(2007) “Рухият” Казан;
“Илһам чишмәләре” (2013). “Рухият” Казан;
“Алтын синҗап” (2014), Анкара;
“Татарстанның Чистай төбәгендәге татар язучылары” – (2019) Яр.Чаллы;
“Поэтический альманах. Избр. филос. лирика”–“Книга.ру. Барнаул.”2021;
“Һаман яратам” – Ф.Хатипов – Ноталары белән җырлар. Казан. Татарстан китап нәшрияте. 2021;
“Хәтер тамчылары 1-3” (2019-2021) Бәетләр, мөнәҗәтләр. “Школа” Казан;
“Кладовые поэзии 1-3”, (2004, 2006, 2010, 2014) Әлмәт;
“Человек и природа в бассейне реки Ик в историческом развитии. Вклад населенных пунктов Азнакаевского района, Юго-Восточного и Восточного Татарстана в развитии экономики и культуры Татарской АССР и татарского народа” –Казань. “Отечество”- 2020;
“Чистай энҗеләре” – Җыентык. Казан “Школа” -2022;
“Человек и природа в бассейне реки Меша и Пестричинском закзанье в историческом развитии. Вторые Пестречинские научно-краеведческие чтения” – Казань- Пестрецы. «Отечество» – 2022;
“Төбәкчеләр тарихи мәдәни мирасны барлау һәм торгызу юлында” – Әлмәт. 2022;
Лит.: Сорутдинова Г. Тормышым минем театр // Чистай хәбәрләре. 1995, 30 ноябрь.;
Әхмәт Гадел. Һәр күңелдә шигырь уты бар // Мәдәни җомга. 2000, 20 октябрь;
Азизов Ф. Вечер песни и поэзии // Соотечественники. Мәскәү, 2001, 9 дек.;
Булатова К. Мәхәббәт дастанының яңа сәхифәләре // Әлмәт таңнары. 2004, 13 март;
Кәшфи Л. Ихласлык аның кыйбласы // Әлмәт таңнары. 2006, 10 окт.;
Әдәби остаханәгә рәхим итегез // 2010.09.06.
Яратулар безне яшәтә // Яшьләр заманы. 2010, 24 июнь;
Язмышлар ярда кавыша // Казан утлары 2010. 5сан;
Хәмидуллина Ф. Әлмәт шәһәрендә 70 һөнәргә ия шагыйрә яши // Әлмәт таңнары. 2015, 5 июнь;
Хәсәнов А. Табылдыклар юлда ятмый // Әлмәт таңнары, 2015, 3 июль;
Солтанова Р. Мавыктыргыч китап // Әлмәт таңнары. 2015, 3 июль;
Р.Шаһиев. Иңнәремне җилкән итеп… // Әлмәт таңнары. 2016 ел. 10 июнь;
Р.Шаһиев. Аклыкка омтылган иҗат // Әлмәт таңнары. 2020.12 июль;
Якташыбыз шигьри бәйрәменә дусларын җыйды // Чистай хәбәрләре. 2015.25 декабрь; Р.Вәлиева. Күңел кылларын тибрәтте // Чистай хәбәрләре. 2020. 31 гыйнвар;
Таһир Шәмсуаров. Язучы, шагыйрә // Заман сулышы. 2021.15.апрель;