25 апрельдә Яңа Кырлайда юбилей уңаеннан бәйрәм чаралары, шигырь бәйрәме үткәрелде. (далее…)
Татарстан Язучылар берлегендә Рафис Корбанның (далее…)
27 мартта Азнакайның Мәдәният үзәгендә шагыйрә, прозаик Гөлчәчәк Садертдинованың (далее…)
Менә инде 16 ел дәвамында безнең тарафтан гамәлгә ашырыла торган «Дуслык күпере» проекты әдәбият сөючеләрне һәм күренекле сүз осталарын берләштерә. Алар Татарстан һәм Башкортостан Республикаларының милли китапханәләре һәм Муса Җәлил исемендәге Яр Чаллы Үзәк шәһәр китапханәсе белән хезмәттәшлек кысаларында уза. (далее…)
Балык Бистәсе район үзәк китапханәсендә танылган төрек-татар әдибе, тәрҗемәче, публицист, Фатиһ Кутлуның «Кардәшлек кадере» исемле китабын тәкъдим итү кичәсе узды. Кичәгә Казан каласыннан мәртәбәле кунакларыбыз: язучы һәм драматург Рабит Батулла, танылган шагыйрәләр Шәмсия Җиһангирова һәм Сания Әхмәтҗанова да килгән иде. (далее…)
Татарстан Язучылар берлеге рәисе Ркаил Зәйдулла Казанның Г. Кариев исм. яшь тамашачылар театрында 16 мартта «Кадерлем» пьесасы буенча куелган эскизны карап, аның буенча фикер алышуларда катнашты. Әлеге әсәрнең авторы — Әлмәттә үткәрелә торган заманча драматургия семинар-лабораториясенең финалына узган Лилия Шакирова, режиссёры — Булат Гатауллин.
ЮНЕСКО тикшеренүләренә караганда, дөньяда кеше бер-берен аңлый ала торган 14 тел бар. Бу телләр арасында төрки телләрнең бердәнбер төркеме булган татар теле дә бар.
Казан кооператив институтының Дәрдемәнд исемендәге Татар мәдәнияте үзәге ел саен Халыкара Туган тел көненә багышлап чара уздырып килә. Быел да ул күңелләрдә “Туган телем” дигән конкурска нәтиҗә ясау белән кереп калачак. Без аны ХХ гасыр башының бөек татар шагыйре, сәүдәгәр, меценат, алтын приисклары хуҗасы булган Закир Рәмиев (Дәрдемәнд), Дәрдемәнднең якташы герой-шагыйрь Муса Җәлил истәлегенә оештырдык. Быел Муса Җәлилнең тууына 120 ел. Конкурс 2 номинация буенча үткәрелде. Дәрдемәнд һәм Муса Җәлил шигырьләрен яттан сөйләргә кирәк иде. Чара Габдулла Тукайнын “Туган тел” җыры белән башланып китте.
Түбән Кама шәһәренең 26 нчы мәктәбендә «Без – төрле, әммә без бергә, Россия – уртак йортыбыз» дип исемләнгән дуслык фестивале үтте. Бу бәйрәм – балаларның күпмилләтле җәмгыяттә туган телләренә, гореф-гадәтләренә хөрмәт тәрбияләүне максат итеп куя. Фестивальнең оештырылышы дәвамлы һәм җентекле әзерлек таләп итә. Анда барлык укучылар да катнаша. Башлангыч сыйныфта белем алучылар өчен аерым үткәрелә, югары сыйныфта укучылар чараны тамаша кылып кына калмыйлар, тиешенчә бәя дә бирәләр. Халыкара туган тел бәйрәме алдыннан фестиваль 5-11 нче сыйныфлар өчен оештырыла. Арада җиңү яулаган, ягъни иң күп балл җыйган сыйныф Халыклар дуслыгы йортында чыгыш ясый, бәйгедә катнаша. (далее…)
«Язучы» нәшриятында Дагстан Республикасында яшәүче шагыйрьләрнең балалар өчен иҗат ителгән шигырьләре китап булып чыкты.
Балалар шагыйре һәм драматург Рафис Корбан аларны Дагстан Республикасының халык шагыйре Марина Әхмәтова-Колюбакинаның «Тылсымлы сандык» китабыннан алып тәрҗемә иткән.
«Язучы» нәшриятында Мәскәүдә яшәп иҗат итүче азәрбайҗан шагыйрәсе Афак Шыхлының «Бәхет йолдызы» дип аталган китабы татар телендә басылып чыкты. Китапка шагыйрәнең төрле елларда иҗат ителгән лирик, фәлсәфи шигырьләре туплап бирелде. Азәрбайҗанчадан Асия Рәхимова тәрҗемәсе.
