Татарстан Республикасы Язучылар берлеге

Яңа китаплар

Тәлгат Галиуллинның ун томнан торган «Әсәрләр» җыентыгы дөнья күрде

Татарстан китап нәшриятында язучы, тәнкыйтьче, Г.Тукай исемендәге Дәүләт премиясе лауреаты, Татарстанның халык язучысы Тәлгат Галиуллинның ун томлык “Әсәрләр” җыентыгы басылып чыкты. Олуг язучының роман, повесть, бәяннары, тәнкыйть мәкаләләре тупланган томлыкларның төзүчесе шагыйрә, публицист, тәнкыйтьче Фәүзия Солтан.

Самара өлкәсе Кошки районы Иске Фейзуллово (Иске Җүрәй) авылы турында китап басылды

Самара шәһәрендә җурналист, төбәкче Фәрид Ширияздановның рус hәм татар телләредә язылган “Подвиг- длинною в жизнь. Село Старое Фейзуллово. Время, события, люди” исемле яңа китабы басылып чыкты.

Китап танылган шагыйрь һәм рәссам Гакил Сагиров яшәгән һәм иҗат иткән Иске Фәйзулла авылы тарихы һәм кешеләре турында язылган. Ул фаҗигалы язмышны җиңеп, тиңдәшсез тормыш батырлыгы күрсәткән якташыбызның тууына 85 ел тулуга багышланган. Бу китап Татарстаннан читтә төпләнгән татар авыллары тарихын, анда яшәгән халыкның гореф – гадәтләрен, телен саклау максаты куеп эшләнгән. Ул илебез тарихында тирән эз калдырган шәхесләр турындагы һәм үткәндәге башка якты истәлекләрне хәтердә яңартып, аларны киләчәк буыннарга да җиткерү өчен дә кыйммәтле язма чыганак булачак.

Монда узгандагы хәлләрне белеп, бүгенге белән чагыштыру һәм киләчәк турында дөрес фикер йөртү өчен дә тулы мөмкинлекләр бар. Андагы хәбәрләр архив материалларына, олы буын кешеләрнең истәлекләренә һәм элгәредән сакланган язмаларга нигезләп тупланган..

Алмаз Гыймадиевның «Киләчәктән килгән малай» дигән маҗаралы повесте китап булып басылып чыкты

Самокаттан – комбайнга, айфоннан – дисклы телефонга…XXI гасырдан XX гасырның 80 нче елларына кайту – Альбертның иң куркыныч төше… ме?

«Киләчәктән килгән малай» повесте 2021 елда Татарстан Республикасы Президенты каршындагы Татар телен саклау һәм үстерү мәсьәләләре комиссиясе (хәзер Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе) тарафыннан үткәрелгән конкурсның «Үсмерләр өчен повесть» номинациясендә 2 нче урынны алды.

Тәлгат Галиуллинның “Ана корт” исемле китабы дөнья күрде

Күренекле язучы, әдәбият галиме Тәлгат Галиуллин әлеге китабына кергән повесть һәм хикәясендә укучыларын яңа заманның әхлакый йөзе турында уйланырга чакыра. Автор яңача яшибез дип, адәм балалары гасырлардан гасырларга күчә килгән рухи кыйммәтләрнең асылын җуймыймы, ярату, миһербанлылык, шәфкатьлелек кебек сыйфатларны икейөзлелек, хөсетлек, табыш артыннан кууга алыштырып, кешелеклелеген югалтмыймы дигән тәнкыйди сораулар куя.

Татарстан китап нәшриятында Мәдинә Маликованың биш томлык “Сайланма әсәрләр”е  басылып чыкты

Татарстан китап нәшриятында Татарстанның халык язучысы Мәдинә Маликованың биш томлык “Сайланма әсәрләр”е  басылып чыкты.  Китапларда язучының төрле елларда иҗат ителгән, төрле жанрларны һәм темаларны колачлаган әсәрләре нәшер ителгән.

Марс Яһудинның «Таш эчендәге сурәтләр» исемле яңа китабы чык­ты

Татарстан һәм Россия Язучылар берлекләре әгъзасы, Чаллы шәһәрендә яшәп иҗат итүче прозаик Марс Яһудинның «Таш эчендәге сурәтләр» дип аталган яңа китабы дөнья күрде.

Китапта авторның соңгы җиде ел эчендә «Казан утлары», «Мәйдан», «Мәдәни җомга» һәм башка газета-журналларда басылып килгән унсигез хикәясе, өч бәяны тәкъдим ителә. Аерым бүлектә – туган авылы мәзәкләре. Азак килеп, автор үзенең кайбер көндәлек битләрен ачарга да җөрьәт иткән әле. Китап Казанда «Мәктәп» редакция-нәшрият үзәгендә басылды.

Илдус Диндаровның “Ак төннәрнең кара көннәре” дип аталган яңа китабы дөнья күрде

Татарстан китап нәшриятында Нурлат шәһәрендә яшәп иҗат итүче язучы Илдус Диндаровның “Ак төннәрнең кара көннәре” дип аталган яңа китабы дөнья күрде.

Бу повесть 2021 елда Татарстан Республикасы Президенты каршындагы Татар телен саклау һәм үстерү мәсьәләләре комиссиясе (хәзер Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе) тарафыннан үткәрелгән әдәби конкурсның “Үсмерләр өчен повесть” номинациясендә 3 нче урынны алды.

Әсәр 1940 нчы елны хөкүмәт карары нигезендә Карелия җирләренә күчеп утырган якташларыбызның фидакарь хезмәт белән бөтенләй чит җирдә җитешле мул тормыш төзүгә ирешүен, үкенечкә, аларның1941-1945 еллардагы Бөек Ватан сугышы чорында аянычлы хәлләргә дучар булуын сурәтли. Дошман блокадасына эләккән Ленинградның ак төннәрдәге дәһшәтле фаҗигасен дә, совет халкының, олысы-кечесенең тиңдәшсез батырлыгын да, гаять авыр сынауларда сынмас-сыгылмас ихтыяр көчен дә чагылдыра ул.

Фирдүс Гыймалтдиновның «Урда ханы Үзбәк» романы басылып чыкты

Татарстан китап нәшриятында язучы, журналист Фирдүс Гыймалтдиновның «Урда ханы Үзбәк» романы басылып чыкты.

Үзбәк хан – XIV гасырда Алтын Урда дәүләте белән утыз ел чамасы идарә итеп, аны дөньяның иң алдынгы мәмләкәтләре югарылыгына күтәргән хаким. Әмма кодрәтле хөкемдарның язмышы тоташ каршылыклардан гына тора түгелме? Үз илендә исламны рәсми дин буларак игълан итеп тә, бертуган сеңлесен икенче дин кешесенә кияүгә бирә һәм чукынырга мәҗбүр итә; дәүләтен ныгытса да, яулап алган биләмәләрендә баскаклыкны бетерә; тәхет тирәсендәге кан коюларны туктату ниятендә кардәшләренең башына җитә… Рәхимсезлеге, шул ук вакытта намуслы, җаваплы, мәхәббәттә тугры булуы белән дә Үзбәк хан шул чор елъязмаларына кереп кала.

Әсәр 2021 елда Татарстан Республикасы Президенты каршындагы Татар телен саклау һәм үстерү мәсьәләләре комиссиясе (хәзер Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе) тарафыннан үткәрелгән конкурсның «Роман» номинациясендә 2 нче урынны алды.

Татарстан китап нәшр­иятында Лилия Гыйбадуллинаның «Б­абай кунакка килде» дигән китабы чык­ты

Әлеге китапта язучы Лилия Гыйбадуллинаның хәзерге заман бала­лары тормышын чагылд­ырган хикәяләре һәм «Бишенче гомер» пове­сте урын алды.

«Бише­нче гомер» повесте 2021 елда Татарстан Республикасы Президен­ты каршындагы Татар телен саклау һәм үст­ерү мәсьәләләре коми­ссиясе (хәзер Татарс­тан Республикасы Рәи­се каршындагы Татар телен һәм Татарстан Республикасында яшәү­че халыклар вәкилләр­енең туган телләрен саклау, үстерү мәсьә­ләләре комиссиясе) тарафыннан үткәрелгән әдәби конкурсның «Ү­смерләр өчен повесть» номинациясендә 1 нче урынны алды.

Рәзинә Мөхиярның “Туган нигез” дип ата­лган яңа китабы басы­лды

Татарстан Язучылар берлеге әгъзасы, шагы­йрь, Саҗидә Сөләйман­ова премиясе лауреаты Рәзинә Мөхиярның “Туган нигез” дип ата­лган яңа китабы басы­лды. Бу җыентыкка ав­торның туган ягына, авылына, әти-әнисенә, туганнарына багышл­анган шигырьләре, чә­чмә әсәрләре тупланг­ан.

Равил Сабырның яңа китабы чыкты

Татарстан китап нәшриятында язучы, драматург, Туфан Миңнуллин исемендәге әдәби премия лауреаты Равил Сабырның «Фәхрине үтереп ташладылар» исемле яңа романы басылып чыкты.

Бу әсәр 2021 елда Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе химаясендә үткәрелгән әдәби конкурсның «Роман» номинациясендә 3 нче урынны яулады.

Зөлфәт Хәкимнең «Бер сәгатьтә ничә мизгел бар?» романы басылып чыкты

Татарстан китап нәшриятында халык язучысы, Г. Тукай исемендәге Дәүләт премиясе лауреаты Зөлфәт Хәкимнең «Бер сәгатьтә ничә мизгел бар?» романы басылып чыкты.

Романда сугыш – тынычлык, явызлык – яхшылык кебек гомумкешелек проблемалары күтәрелгән. Шулай ук сугыш шартларында егет белән кыз арасында туган мәхәббәтнең гомер буе сүрелмәве, ике йөрәк арасында еллар да, чакрымнар да җиңә алмаслык бөек хиснең саклануы якты һәм җылы итеп бирелгән.

Әсәр 2021 елда Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе тарафыннан үткәрелгән конкурсның «Роман» номинациясендә 1 нче урынны алды.

Илмира Гыймаеваның яңа китабы басылып чыкты

“Яз” нәшриятында шагыйрә Илмира Гыймаеваның “Шаян җиләк” исемле китабы дөнья күрде. Китапка тупланган әлеге шигырьләр, нигездә, авыл баласы тормышындагы маҗаралы хәлләрне, кызыклы вакыйгаларны яктырта, автор тәрбиянең асылы хезмәт икәнлеген дә ассызыклый, туган җиргә, туган телгә булган мәхәббәтне бала күңеленә кече яшьтән салырга кирәклеген дә искәртә. Китап кече һәм урта яшьләрдәге мәктәп балаларына аталган.

 

 

Чаллыда Вәрис Галинең “Рыбная сокровищница Мамадыша” исемле китабы дөнья күрде

Яр Чаллы шәһәренең “Ислам Нуры” рухи-эшлекле үзәге” җаваплылыгы чикләнгән җәмгыятендә Вәрис Галинең “Рыбная сокровищница Мамадыша” исемле китабы дөнья күрде. Анда “Мамадыш балык заводы” җаваплылыгы чикләнгән җәмгыятенең тарихы, эшчәнлеге, балыкчылары, республика һәм ил күләмендә ирешкән уңышлары турында сөйләнә. Китап 188 битле, 200 тираж белән чыккан.

 

«Казан утлары» китапханәсе сериясендә Шәмсия Җиһангирова китабы чыкты

«Казан утлары» китапханәсе сериясендә шагыйрә, радиожурналист, Татарстанның атказанган сәнгать эшлеклесе Шәмсия Җиһангированың «Мәхәббәт ничәү була?» дигән китабы чыкты. Китапка шагыйрәнең соңгы елларда иҗат иткән чәчмә әсәрләреннән хикәяләре туплап бирелгән.

 

Әлфия Ситдыйкованың “Ай йөгерә” исемле балалар өчен шигырь китабы басылды

Танылган татар язучысы, прозаик, шагыйрь, журналист, Александр Грибоедов, Саҗидә Сөләйманова, Илдар Юзеев исемендәге әдәби премияләр лауреаты, Татарстан Республикасының атказанган мәдәният хезмәткәре — Әлфия Ситдыйкованың “Ай йөгерә” исемле балалар өчен шигырь китабы басылды.

«Казан утлары» китапханәсе сериясендә Рәдиф Сәгъдинең «Бер гаилә сурәте» китабы чыкты

Узган гасырның 90нчы елларында ук детектив жанрына хас әсәрләр язып танылу алган язучы Рәдиф Сәгъди бу китапка кергән повестьларында да геройларның эш-хәрәкәтләрен, җинаятьчеләрнең кеше акылына сыйдыра алмаслык вәхшилеген, явызлыгын, кансызлыгын тирән психологик кичерешләр аша, мавыктыргыч сюжетка корып тасвирлый.

Илсөяр Иксанова һәм Гөлсинә Хәмидуллинан­ың “Хыял артыннан ки­ттем” исемле пьесалар җыентыгы дөнья күрде

Күренекле шагый­рә, язучы Илсөяр Икс­анова һәм танылган журналист, мөхәррир Гөлсинә Хәмидуллинаның “Хыял артыннан киттем” исемле пьесал­ар җыентыгы басылып чыкты.

Әлеге китапка туплан­ган пьесалар арасында “Яңа татар пьесасы” бәйгесендә призлы урын алган “Ут өстен­дә Әптәнә”, режиссер­ларның​ игътибарын җәлеп итеп, театр репертуарына кертелг­ән “ЧП” әсәрләре дә бар.

Драматургиянең төрле жанрларында язылган бу пьесаларның һәрб­ерсендә дә төп конфл­икт – җәмгыятьтәге үзгәрешләр барышында ялгыз кеше җанының бәргәләнүе.

Нурзия Мирхазованың “Бәхет орлыгы” исемле яңа китабы чыкты

“Рухият” нәшриятендә Нурзия Мирхазованың “Бәхет орлыгы”  исемле китабы нәшер ителде. Китапта язучының соңгы вакытларда язылган хикәяләре урын алган. Котлыйбыз!

Татарстан китап нәшриятында Рахман Шәфигуллинның “Асылбикә күз яшьләре” исемле яңа китабы чыкты

Танылган журналист һәм язучы Рахман Шәфигуллин үзенең яңа китабында халкыбызның әдәби һәм тарихи елъязмасын тәкъдим итә. XX гасыр барышында илебездә барган үсеш-үзгәрешләрнең данлы да, фаҗигале дә сәхифәләрен бер үк вакытта аянычлы һәм мавыктыргыч итеп, аерым шәхесләр һәм кешеләр язмышына төреп сурәтли. Җыентыкта тупланган язмалар үзләренең хакыйкый чынлыгы, фактларның төгәллеге, хис-кичерешләрнең тирәнлеге белән укучыны җәлеп итә.​ ​

Шагыйрь Рифат Җамалн­ың “Син мине сагынма” исемле яңа китабы чыкты

Татарстан китап нәшр­иятында Рифат Җамалн­ың​ “Син мине сагын­ма” дип исемләнгән яңа китабы чыкты. Әле­ге китапта шагыйрьнең төрле елларда иҗат ителгән шигырьләре һәм җырлары туплап бирелде.

Сания Әхмәтҗанованың “Күчеш дәвере” исемле яңа китабы чыкты

Татарстан китап нәшриятында Сания Әхмәтҗанованың “Күчеш дәвере” исемле яңа китабы чыкты. Әлеге җыентыкта шагыйрәнең ил-көн сулышы, халык гаме белән сугарылган фәлсәфи эчтәлектәге һәм мәхәббәт лирикасына караган өр-яңа шигырьләре; кеше булып яшәүнең ямен, мәгънәсен чагылдырган “Бер уч җылы” исемле лирик циклы урын алган. Китапның мөхәррире – Рифат Сәлахов, рәссамы – Ратмир Әхияров.

Хәбир Ибраһимның яңа китабы чыкты

Күренекле язучы һәм драматург Хәбир Ибраһимның Татарстан китап нәшриятында ” Ышанма күз яшьләремә” дип аталган проза китабы дөнья күрде. Әлеге китапта язучының киң җәмәгатьчелектә казаныш алырга өлгергән, романтик рухта язылган чәчмә әсәрләре тупланды. Нигездә, әсәр сюжетлары бүгенге көн проблемаларын күтәргән һәм реаль тормыш вакыйгаларына нигезләнеп язылган.

Әлфия Ситдыйкованың “Таш тамыры” дип исемләнгән яңа китабы басылып чыкты

Татарстан китап нәшриятында Әлфия Ситдыйкованың “Таш тамыры” дип исемләнгән роман һәм повестьлар китабы басылып чыкты. Котлыйбыз!

 

Фәүзия Солтанның яңа китабы чыкты

“Рухият” фонды нәшриятында Фәүзия Солтанның “Нигез сагышы” дип аталган шигырьләр җыентыгы басылып  чыкты. (далее…)

Яңа китап дөнья күрде

Татарстан Язучылар берлеге әгъзасы, тарихчы Булат Хәмидуллин һәм тарихчы Сергей Белов китабы 622 елда пәйгамбәребез Мөхәммәд тарафыннан оештырылган беренче мөселман дәүләте оешуына 1400 ел тулуга һәм Идел буе Болгарстан халыклары тарафыннан рәсми рәвештә ислам динен кабул итүгә 1100 ел тулуга багышлана.

Китапта тарихи чыганаклар һәм фәнни тикшеренүләр нигезендә фәнни-популяр формада ислам барлыкка килү һәм таралу тарихы, урта гасыр ислам цивилизациясенең төп казанышлары, Үзәк Азия һәм Төньяк Кавказдагы болгарлар, Кара диңгез буендагы Бөек Болгарстан тарихы, Идел Болгарстанда дәүләт дине буларак ислам динен кабул итү тарихы күрсәтелә. Әлеге китап, һичшиксез, Урта Идел буе халыкларының тарихи-мәдәни мирасын өйрәнүгә һәм популярлаштыруга зур өлеш кертә.

“Халкыбыз мирасы” нәшриятында Хатыйп Миңнегуловның яңа китабы чыкты

Бу китапта авторның, нигездә, 2020-2021 елларда кәгазьгә төшерелгән язмалары урнаштырылган. Аларның шактый өлешен мөһаҗәрәттәге татар басма сүзен тикшерү тәшкил итә. Аннан тыш, әлеге җыентыкта аерым иҗат әһелләре (С.Сараи, Котб, Мәүлә Колый, Ш.Зәки, Р.Гаташ. Ф.Галимуллин…) хакында мәкаләләре, язма мирасыбызның аерым мәсьәләләрен яктырткан материаллар урнаштырылган. Ахырда автор хезмәтләренең исемлеге, аның турындагы язмаларның биобиблиографиясе дә бирелә.

(далее…)

“Идел-Пресс” полиграфия-нәшрият комплексында Сания Әхмәтҗанованың “Балачак баланнары” китабы чыкты

Әлеге әдәби нәфис басма “Сүз” нәшриятында әзерләнде һәм 2021 елның декабрь аенда дөнья күрде. Мөхәррире Газинур Морат.

Китапта шагыйрә Сания Әхмәтҗанованың туган як, әти-әни, кардәшлек һәм дуслык турында төрле елларда иҗат ителгән шигырьләре һәм җыр текстлары туплап бирелде.

Рөстәм Галиуллинның «Гипнозчы малай» китабы башкорт телендә дөнья күрде

Уфада татар язучысы Рөстәм Галиуллинның башкорт телендә «Гипнозчы малай» дигән китабы басылып чыкты. Тәржемә авторы — Айгиз Баймөхәмәтов, рәссамы — Альбина Такалова. Җыентыкка мәктәп яшендәге балалар өчен мавыктыргыч хикәяләр тупланган.

 

Мамадыш районы Уразбахты авылы турында китап чыкты

Чаллы шәһәренең “Диамант” типографиясендә Вәрис Галинең “Мең тамырлы Уразбахты” исемле яңа китабы басылып чыкты. Китап Татарстан Республикасының Мамадыш районындагы Уразбахты авылы тарихы, географиясе, топонимикасы һәм кешеләре турында. Бүгенге көндә русчага тәрҗемә ителә.

 

Рәхимә Арсланованың яңа китабы чыкты

Әле яңа гына Рәхимә Арсланованың “Дүрт җайдак” исемле балалар өчен язылган шигырьләр китабы чыкты. Китап балалар өчен генә түгел,аларның әти-әниләренә һәм укытучыларга да кызыклы булыр дип саныйбыз.

Татарстан китап нәшриятында берьюлы биш яшь авторның шигырь китаплары дөнья күрде

Берьюлы – биш китап!
Татарстан китап нәшриятында берьюлы биш популяр һәм яшь авторның шигырь китаплары дөнья күрде.
Аларны бер сулышта, рәхәтләнеп укып чыгарга мөмкин, дип язган Ленар Шәех инстаграмда/

Фагыйлә Чумарованың “Себер сүзе” китабы басылып чыкты

Фагыйлә Чумарованың “Себер сүзе” дип аталган китабы басылып чыкты. (далее…)

Хатыйп ага Миңнегуловның яңа китабы чыкты!

2018 елда профессор Хатыйп Миңнегуловныи «Озын гомерем хатирәләре. Гомеремнең беренче чиреге» исемле китабы дөнья күртән иде. Яңа китап билгеле бер дәрәҗәдә шуның дәвамы (далее…)

Татарстан китап нәшриятында Ркаил Зәйдулланың китабы чыкты

«Таң сызылып килгәндә сунарга кузгалды Шәүкәт. Ул инде ауга чыгарга бер атна элек үк ниятләгән иде. Җай чыкмады. Кырыкмаса кырык эш таралып ята, язга авышкан көннәрдә авылда мәшәкать күп…»

 

Татарстан китап нәшриятында Фәүзия Бәйрәмованың китабы чыкты

Язучы һәм җәмәгать эшлеклесе Фәүзия Бәйрәмованың “Һиҗрәт” романы узган гасыр башларында ислам хакына Төркиягә күчеп китәргә мәҗбүр булган милләттәшләребез турында.

Илдус Диндаровның яңа китабы чыкты

Нурлатта яшәүче язучы Илдус Диндаровның «Татнефть»нең  «Рухият»  Фонды нәшриятендә «Кояшлы көннәрем, айлы төннәрем» исемле шигырьләр китабы басылып чыкты. Котлыйбыз!

Илдус Диндаровның яңа китабы чыкты

Татарстан китап нәшриятында Илдус Диндаровның «Торна күзе» исемле проза китабы чыкты. Котлыйбыз!

 

Ринат Мәннанның яңа китабы чыкты!

Бу китап 1нче категорияле табиб һәм шагыйрь Ринат Мәннан тарафыннан балаларны да, өлкәннәрне дә биләп алырлык, кеше тәненең төзелеше хакында гаять кызыклы эчтәлеккә корылып, шигырь белән шәрехләп бирү рәвешендә язылган.

Фәүзия Бәйрәмованың яңа китабы чыкты

Казанның «Аяз» нәшриятында Фәүзия Бәйрәмованың “Милләт язмышы” дип аталган китабы басылып чыкты. Бу хакта язучы үзенең Фейсбук социаль челтәрендәге аккаунтында хәбәр итә.

(далее…)

«Татар дөньясы» («Татарский мир») китабы чыкты!

Китапта  халкыбызның тарихы, гореф-гадәтләре, мәдәни җәүһәрләре  чагылыш тапкан!  Яңа басманы Татар әдәбияты Үзәге сайтында табарга мөмкин.

Татарстан китап нәшриятендә Шәехзадә Бабич әсәрләре тупланган яңа җыентык дөнья күрде

Әлеге җыентыкка татар һәм башкорт әдәбиятлары классигы, дәүләт һәм җәмәгать эшлеклесе Шәехзадә Мөхәммәдзакир улы Бабичның 1910–1919 елларда иҗат иткән шигъри әсәрләре, мәкалә-фельетоннары, эпиграммалары, хатлары туплап бирелде. (далее…)

«Татарстан» китабы чыкты!

Китап Татарстан китап нәшриятында чыкты. Төзүчесе – Энҗе Хөснетдинова. Рәссамы –  Ольга Покалева.

Һади Такташның «Тәүфыйклы песи» шигыре төрекчә дөнья күрде

Аны Төркиянең Кавказ университеты галимәсе Чулпан Зарипова- Четин тәрҗемә иткән.

Гөлфия Исхакованың «Мактанчык, дип әйтмәгез!» дип аталган шигырьләр җыентыгы чыкты

 Китап татар һәм рус телендә, нәни укучыны җәлеп итеп торучы рәсемнәр белән бизәлгән. Шигырьләрне рус теленә Сергей Вострокнутов һәм Екатерина Пастухова тәрҗемә иткән. Бу — авторның тугызынчы китабы.

Ринат Нуруллиның «Кара тактада ак эз» исемле китабы чыкты

«Ихлас» нәшриятында Ринат Нуруллиның «Кара тактада ак эз» исемле китабы нәшер ителде. Әлеге китапта егерменче гасыр укытучыларының фидакяр хезмәте ачыла, (далее…)

Әлфия Ситдыйкованың “Дөнья тәгәрмәче” дип исемләнгән яңа китабы басылып чыкты

“Идел-Пресс”  нәшриятында Әлфия Ситдыйкованың “Дөнья тәгәрмәче” дип исемләнгән яңа китабы басылып чыкты.  Автор укучылар хозурына повесть жанрында язылган тәүге күләмле проза әсәрен тәкъдим итә. (далее…)

“Ихлас” нәшриятында Ринат Нуруллиның “Курайлар дөньясында” исемле китабы нәшер ителде.

Әлеге китапта күренекле замандашыбыз – курайлар ясау остасы Рафаэль Гайзетдиновның курайлар дөньясына илткән хикмәтле дә, гыйбрәтле дә язмышы ачыла. (далее…)

Рәхимә Арсланованың «Кунак кызы» исемле китабы чыкты

Татарстан китап нәшриятында  Рәхимә Арсланованың “ Кунак кызы” исемле китабы чыкты. Китапта Р. Арсланованың  балалар өчен язылган  шигырьләре, әкиятләре  урын алган.  Автор балалар күңелен аңлап, нечкә тоемлап  кызыклы шигырьләр яза, гүя үзенең дә тылсымлы таягы бар. (далее…)

Язучылар