Татарстан Республикасы Язучылар берлеге

Гыйбадуллина Лилия

Гыйбадуллина (Сираева) Лилия Фаис кызы 1987 елның 22 мартында Актаныш районы Әҗмәт авылында туа. Актаныш районы Такталачык урта мәктәбендә укый. Казан дәүләт университетының татар филологиясе һәм тарихы факультетында белем ала (2004 – 2009). Балачактан шигырьләр яза. «Мин бәхетне күрәм!..» дип исемләнгән тәүге җыентыгы 2003 елда мәктәптә укыган чорда ук дөнья күрә.

Татарстан Республикасы Язучылар берлеге әгъзасы (2009).

«Бэлла» халыкара рус-итальян әдәби премиясе иясе.

Өч шигъри җыентык авторы:

«Мин бәхетне күрәм!..» (2003),

«Тынлык кайтавазы» (2010),

«Кайту» (2018).

«Көмеш кыңгырау» газетасында һәм «Мәйдан» журналында эшли. Гаиләле, ике ул үстерәләр. Чаллыда яши.

Язучылар