Татарстан Республикасы Язучылар берлеге

Фәрхетдинова Лилия

Фәрхетдинова Лилия Нәсыйх кызы 1971 нче елның 4 августында Татарстан республикасының Әлмәт каласында туа. Туган шәһәрендә 2 нче урта мәктәпне, аннары Бөгелмә педагогия училищесын,Алабуга дәүләт педагогия   институтының татар филология факультетын   тәмамлый.    Бүгенге көндә Әлмәт шәһәрендә мәктәптә    уку-укыту эшләре буенча директор урынбасары  булып эшли.

Л.Фәрхетдинова  иҗатка мәктәптә укыган чагыннан ук тартыла. Башта Әлмәт районында дөнья күргән газеталарда, аннары республика һәм Россия матбугатында ( “ Идел”, “Сөембикә”,”Сабантуй”, “Ялкын”,” Салават күпере”, ”Күчтәнәч”, ”Татарстан яшьләре”, “Мәгърифәт”,” Ачык дәрес”,  “Учительская газета”, “Добрая дорога детства” һ.б.) хикәяләре, мәзәкләре,  мавыктыргыч әкиятләре, мәкаләләре басыла. Әкиятләре “ТНВ-Татарстан” һәм “ТНВ-Планета” телеканалларында баручы “Күчтәнәч” тапшыруларында  даими  тапшырыла.

Лилия Фәрхетдинова  иҗаты аша укучыларын   авырлыкларга бирешмәскә өйрәтә , балаларны китап укырга яратырга өнди.

Лилия Фәрхетдинова китаплары:

  1. «Илһам чишмәләре / Татарстан язучылар берлегенең Әлмәт бүлеге оешуга 50ел.-Родники вдохновения / Альметьевскому отделению Союза писателей РТ 50 лет.», «Рухият»,2013.
  2. «Барабанчы Куян»-Казан: Татарстан китап нәшрияты, 2015.
  3. «Тылсымлы бүрек»-Казан: «Ихлас» нәшрияты, 2015.
  4. «Әкиятләр»-Казан: «Илһам» нәшрияты, 2016.
  5. «Дуслык »-Казан: «Ихлас» нәшрияты, 2017.
  6. “Җылы сүз. Доброе слово. A kind word” –Казан: Татарстан китап нәшрияты, 2018.

Лилия Фәрхетдинова 2018 елдан  Татарстан Язучылар берлеге әгъзасы.

 

Язучылар