30 ноябрьдә Туфан Миңнуллин исемендәге Түбән Кама татар дәүләт драма театрында «Җидегән чишмә» әдәби-музыкаль берләшмәсе кысаларында «Үткәннәр көннәр тавышы» дип исемләнгән театральләштерелгән зур тамаша гөрләп үтте. Ул театрның 35 нче юбилей сезонына багышланган иде. Иҗат кичәсе төрле еллардагы спектакльләрдән өзекләр, шигырьләр, җырлар, үткән көннәр турында истәлекләр белән үрелеп барды. Чарада Татарстан Язучылар берлеге рәисе, Татарстанның халык шагыйре Ркаил Зәйдулла, танылган язучылар Илсөяр Иксанова, Ләбиб Лерон, Хәбир Ибраһим катнашты.
Яңа комментарий өстәргә