Равил Сабырның яңа җыентыгына элек басылып чыккан «Фәхрине үтереп ташладылар» романының тәрҗемәсе һәм авторның алты хикәясе кертелгән. Хикәяләрнең кайберләре инде рус теленә тәрҗемә ителгән, ә кайберләре бу китап өчен махсус җайлаштырылган. 2021нче елда роман Татарстан Республикасы рәисе каршындагы татар телен саклау һәм үстерү мәсьәләләре буенча комиссия оештырган әдәби әсәрләр конкурсында 3нче урынны алган.
Нельзя отключать солнце. : психологический триллер, рассказы / Равиль Сабыр. – Казань. Изд–во «Язучы», 2024 – 244 стр.
Чыңгыз мәктәпкә барышлый сәер бер бабай белән таныша. Бабай аның телефонына «Идегәй» дигән уен җибәрә, һәм малай моңарчы беркем дә уйнамаган өр-яңа онлайн уенга «чума». Уен гади түгел. Аның персонажларын уртак бер сер берләштерә. Бактың исә, әлеге «ханнар уены» моннан күп гасырлар элек башланган икән… Маҗаралы бу уенда малай җиңә алырмы? Китапта «Идегәй» татар халык дастаны балалар һәм яшүсмерләр өчен заманча тәкъдим ителә.
Әсәр Бөтендөнья татар конгрессы ярдәмендә нәшер ителә.
«Идегәй». Ханнар уены / Лилия Гыйбадуллина. – Казан: «Язучы» нәшр., 2024 – 59 бит.
Танылган башкорт язучысы Айгиз Баймөхәммәт, бу китапка кергән ике повестенда да, төрлесе төрле сәбә- пләр аркасында гаилә җылысыннан мәхрүм калып, ба- лалар йортына килеп эләккән ятимнәр темасын күтәрә. Автор үз йөрәге аша үткәргән вакыйгаларны һәркемнең йөрәген тетрәндерерлек итеп тасвирлау белән бергә, ятимлекнең күп очракта җәмгыятьтәге җитешсезлекләр белән бәйле булуын күрсәтә һәм шул җитешсезлекләрне киметү турында бергәләп уйланырга чакыра.
Кошка әйләнермен мин… : повестьлар / Айгиз Баймөхәммәт. – Казан. «Язучы» нәшрияты., 2024 – 172 бит.
Әлеге китапка бүгенге көндә Казакъстан Республикасында киң танылу алган төрле буын казакъ шагыйрьләренең шигырьләре туплап бирелде.
Хәзерге заман казакъ шигърияте антологиясе / [Кереш сүз авт. Р.Зәйдулла; кит. төз. И.Иксанова, Г.Морат; казакъ теленнән тәрҗ.]. – Казан: «Язучы» нәшр., 2024. – 268 б.
