13 март көнне Татарстан Язучылар берлеге каршындагы Әдәби тәрҗемә үзәгенең эшчәнлеге кысаларында Төркиянең Анкарадагы абруйлы “Һәҗә” нәшриятында классик язучыбыз Аяз Гыйләҗевнең 1959 елда иҗат иткән “Берәү” повесте дөнья күрде. Аны каләмдәшебез Фатиһ Кутлу тәрҗемә итте. 65 елдан соң төрек телендә нәшир ителгән әсәр әдипнең вафат булган көненә туры килеп чыгуы хикмәтле булган. Кутлу әлеге хезмәтен Аяз Гыйләҗевнең 1880 нче елларда Төркиягә һиҗрәт кылган, исеме фамилиясендә мәңгеләшкән карт бабасы, мәрхүм Гыйләҗетдин муллага багышлап чыгарган. Әсәр төрек телендә “Тәк” дип атала.
Әфәрин туган!
Аяз Гыйләҗевнын тагын бер әсәре төрек телендә басылып чыгуы бөек әдибебезнен иҗатын дөнья күләмендә танытунын бер матур чагылышы булып тора. Фатих Кутлу бик кирәкле һәм матур эш башкарып чыккан, аңа яңадан яңа уңышлар теләп калабыз.
Альхамдулиллах, без бик шат шундый матур вакыгага, изге Рамазан аенда!!! Горурланабаз!!!
Татар язучысын торек доньясына танытканыгыз очен рэхмэт!
Фатих Кутлу татар халкының шәхесләрен дөньга танытып, зур эш башкара. Алланың рәхмәтләре булсын аңа. Исәнлек-саулык, иҗат уңышлары телибез Сезгә, Фатих әфәнде!
Фатыйх Кутлуга зур рәхмәт.Аяз Гыйлажевның рухы шат булсын.
Амин.
Зәйнәп Зәкиева.