«Минем күңел – язылмаган китап» 

20 нче февральдә Буа районы академик Р.З.Сәгъдиев исемендәге урта мәктәбендә Гөлнур Айзат иҗаты һәм эшчәнлеге буенча “Минем күңел – язылмаган китап” республикакүләм  фәнни-гамәли конференция үтте.

Әлеге зур чарада Россия Федерациясенең мәгариф отличнигы, Татарстанның атказанган укытучысы, Таатарстан Республикасы Язучылар берлеге әгъзасы Гөлнур Айзат; Буа муниципаль районы хакимияте башлыгы Ранис Рафис улы Камартдинов; Татарстанның халык шагыйрьләре Газинур Морат,  Марсель Галиев, язучы, шагыйрь, драматург Хәбир Ибраһим, Буа якташлык җәмгыяте җитәкчесе Ирек Мөнир улы Закиров; авыл хуҗалыгы җитештерүен оештыручы, ТР дәүләт премиясе лауреаты Р.Ш.Зыятдинов;  Буа якташлык җәмгыяте идарәсе әгъзасы Р.И.Фәсхетдинов; Татарстан телерадиокомпаниясе журналисты Т.К.Сәгыйтов, Ульяновск  өлкәсе татарлары  милли-мәдәни автономиясе рәисе Р.Ф.Сафин,  Татарстан телерадиокомпаниясе журналисты Мөршидә Җиһан;  Буа муниципаль районы Башкарма комитеты җитәкчесе урынбасары – мәгариф идарәсе башлыгы – Н.А.Македонская; Бөтендөнья  татар Конгрессының Буа бүлекчәсе җитәкчесе, “Байрак” газетасы редакторы Г.Г. Камалетдинов; “Ак калфак” татар хатын-кызларының иҗтимагый оешма җитәкчесе Н.Ф.Гайнуллина, “Буа дулкыннары” телерадиокомпания хезмәткәрләре катнашты. Конференция кунаклары һәм катнашучылар Р.Харис исемендәге “Сәнгатьне күрү” музеенда,  “Ватанны саклаучылар” дип исемләнгән күргәзмәдә булдылар.

Конференция  эше 6 юнәлештә алып барылды.

1. ”Туган ягымның тылсымлы төсләре”. Гөлнур Айзат иҗаты буенча рәсемнәр бәйгесе.
2. ”Хатлар яздым утырып…” (Якын кешеләреңә, әти-әниләргә, Гөлнур Айзатка хат язу).
3. ”Шигырь – тылсым!” Г.Айзат шигырьләрен сәнгатьле уку бәйгесе.
4. “Яшәү мизгеленең тәмен тойсаң,

Мең төсмерле матур җыр чыга”. Г.Айзат сүзләренә иҗат ителгән җырлар бәйгесе.

5. “Гөлнур Айзат әсәрләрендә үзенчәлекле тел-сурәтләү чаралары”.
6. Методик эшкәртмәләр бәйгесе. (педагоглар өчен)

Гөлнур Айзат иҗаты һәм эшчәнлеге буенча “Минем күңел – язылмаган китап” республикакүләм  фәнни-гамәли конференция җиңүчеләре ТР Язучылар берлегенең дипломнарына һәм Гөлнур Айзатның кыйммәтле бүләкләренә, уңышлы чыгыш ясаган укучылар лауреат дипломнарына ия булдылар.