8 декабрь көнне Әлмәт шәһәренең 2 нче урта гомуми белем бирү мәктәбендә танылган балалар язучысы, шагыйрә, Р.Төхфәтуллин исемендәге премия лауреаты Резеда Фәрхетдинова белән очрашу узды.
Укучылар һәм Туган телләр һәм халыклар бердәмлеге елын йомгаклау уңаеннан семинарга җыелган татар теле укытучылары Резеда Фәрхетдинова белән аралашты, аның шигырьләрен тыңладылар, “Балачак җыры” конкурсында җиңгән “Светофор” җырына Шаян ТВ тарафыннан төшерелгән клип белән танышты.
Шулай ук семинар вакытында “Туган телем- иркә гөлем ” исемле чара күрсәтелде. Анда балалар язучысы, Р.Төхфәтуллин исемендәге премия лауреаты Лилия Фәрхетдинова иҗаты яктыртылды. Укучылар аның шигырьләрен бик сәнгатьле итеп укыдылар, әкиятләрен сәхнәләштереп күрсәттеләр.
Ахырдан, гадәттәгечә, балалар язучылары Лилия һәм Резеда Фәрхетдиновалар килгән кунакларга үз китапларын бүләк иттеләр.
Яңа комментарий өстәргә