Казан шәһәренең сәүдә-икъдисат техникумында Җәлил укулары кысасында нәфис уку ярышлары узды. Чарада техникум укучылары Муса Җәлил шигырьләрен татар, рус телләрендә яттан сөйләп ярыштылар. Барлыгы 32 укучы катнашкан ярышка бәяләрне жюри әгъзалары, шагыйрә Фәүзия Солтан, шагыйрь Фәнил Гыйләҗев бирделәр. Соңыннан алар укучыларны үз иҗатлары белән таныштырдылар. Ярыш та, очрашу- әңгәмә дә бик җылы, нәтиҗәле үтте.
Яңа комментарий өстәргә