Татарстан Республикасы Язучылар берлеге

Кави Нәҗми яшәгән фатирда мемориаль бүлмә ачылды

Татар язучысы, шагыйрь һәм тәрҗемәче Кави Нәҗминең оныгы Фәридә Нәҗметдинова бабасы фатирында мемориаль бүлмә оештырды.  «Зур Кызыл урамының 57б йортында 1952-1956 елларда язучы Кави Нәҗми гаиләсе белән яшәгән. Якыннары монда аның вафатыннан соң да яши. Аерым алганда, 1978 елга кадәр биредә аның хатыны – язучы һәм беренче татар тәрҗемәчесе Сәрвәр Әдһәмова тора. «Дәү әтинең шәхси һәм истәлекле әйберләре белән без аның кабинетында шул чор атмосферасын торгыздык», — дип хәбәр итте Нәҗметдинова.

Кабинетта танылган мәдәният эшлеклеләренең, Советлар Союзы язучыларының шәхси фоторәсемнәре, хатлары, шәхси автографлары булган китаплар саклана.

Искәртеп узабыз, элегрәк «Татар-информ» Казанда язучы Кави Нәҗми һәм тәрҗемәче Сәрвәр Әдһәмова хөрмәтенә мемориаль такта куелачагын хәбәр иткән иде. Карарны ТР Премьер-министры Алексей Песошин имзалады.

(«Татар-информ», Екатерина Ларионова)

 

 

 


Язучылар

Туган көннәр

Май
23
Сб
Май
24
Вс
Алмаз Мансуров
Май
26
Вт
Ихтияр Гаязов
Май
28
Чт
Вера Хәмидуллина
Май
29
Пт
Ханисә Алишина