14 нче февраль көнне, Саба районында яшәп иҗат итүче шагыйрә Илмира Гыймаева Биектау районы Әлдермеш урта мәктәбе укучылары белән очрашуда булды. Барлыгы 105 укучы катнашты. Очрашуда шагыйрәнең шигырьләрен укыдылар, аның сүзләренә язылган балалар өчен җырларын башкардылар, ике җырына бию һәм вальс салынган иде. “Шигырь язу серләренә төшенү максатыннан мастер-класс үткәрелде. Инде укучылар яратып өлгергән хор белән шигырь сөйләү методы да кулланылды. Милләт, тел турында шагыйрә үзе генә сөйләмичә укучылар фикерен тыңлау үзе бер тәрбия алымы булды,”- ди, Илмира Гыймаева.
Яңа комментарий өстәргә