Уфа «Нур» театры Казанга биш спектакль алып килә. Гастрольләр 25-28 апрель көннәрендә Камал театрының Зур һәм Кече залларында үтә.
Гастрольләр Зифа Кадыйрова әсәре буенча куелган «Фатыйма» драмасы белән 25 апрельдә башлана. 26 апрельдә Илгиз Зәйниев «Нур» театры өчен махсус язган «Хыял йорты» яшьләр комедиясе уйналачак. 27 апрельдә Уфа авторы Мөдәррис Багаевның «Бер мәл шәһәрдә» комедиясе күрсәтелә. 26, 27 апрель көннәрендә Кече залда Мансур Гыйләҗевның «Көлмәгез, мин үләм» комедиясе була. Гастрольләр 28 апрельдә Мирхәйдәр Фәйзинең легендар мелодрамасы «Галиябану» белән төгәлләнә.
Яңа комментарий өстәргә