Быел Свердловск өлкәсендә Герой-шагыйрь Муса Җәлилгә һәйкәл ачу көтелә.
Бу хакта Бөтендөнья татар конгрессы Милли шура рәисе Васил Шәйхразыев утырыш барышында хәбәр итте.
«13 октябрьдә Свердловск өлкәсендә Җәлилгә бюст ачабыз. Санкт-Петербургтан атаклы скульптор Венера ханым ике бюст ясый. 13 октябрьдә Екатеринбургта, 9 майда андагы Серов шәһәрендә ачабыз», — диде.
«Быел үз өлкәләребездә Җәлил укулары үткәрдек. Оренбург өлкәсеннән башлап бөтен җирдә үтте. Җәлил 56 телгә тәрҗемә ителгән», — дип искәртте Милли шура рәисе.
“Татар-информ”
Яңа комментарий өстәргә