16 май көнне 18:00 сәгатьтә Яков Емельянов исемендәге мәдәни үзәктә талантлы шагыйрә, язучы, күп санлы җырлар авторы Зинаида Захарованың 70 яшьлек юбилеена багышланган иҗат кичәсе узачак.
Зинаида Захарова – Татарстан Республикасы Язучылар берлеге әгъзасы, Рафаил Төхфәтуллин исемендәге әдәби премия лауреаты, балалар һәм олылар өчен язылган күп кенә китаплар авторы. Әлмәт районының Кәләй авылында яшәп иҗат итә.