18 октябрьдә Казанда нәшер ителгән “Хәзерге заман казакъ шигърияте антологиясе” һәм Алматыда чыккан “Хәзерге заман татар хикәяләре антологиясе” җыентыкларын тәкъдир итү була.
Чара Татарстан Язучылар берлегенең Тукай клубында 11.00 сәгатьтә башлана. Анда Казакъстанның Татарстандагы консулы Ерлан Исхаков, Алматыдан килгән тәрҗемәчеләр Сәят Камшыгер, Гөлнур Кыранбайлар да катнаша. Очрашу “Алпар” фольклор ансамбленең чыгышлары белән үрелеп барачак.
