Уфаның мөселман зиратында танылган дин галиме Ризаэтдин Фәхретдиннең һәм улларының яңартылган кабер ташларын ачу мәрәсиме булды. Бу чарада мөфтиләр Тәлгать Таҗетдин һәм Камил Сәмигуллин, Татарстаннан Язучылар берлеге рәисе Ркаил Зәйдулла, язучылар Фәүзия Бәйрәмова, Газинур Морат, Әлмәттән “Татнефть” ААҖ рәис урынбасары Рөстәм Мөхәммәдиев, Кичүчат авылыннан Ризаэтдин Фәхретдин исемендәге музей директоры Диләра Гыймранова да катнашты. Чарага Риза хәзрәтнең нәсел дәвамчылары да килгән иде. Бөтендөнья татар конгрессының Башкортстан вәкиллеге оештырган дини мәрәсимне ” Ихлас” мәчетенең беренче имамы Мөхәммәт хәзрәт Галләмов алып барды. Коръән укып башланган чара дога кылу белән тәмамланды.
Яңа комментарий өстәргә