Бүген язучылар һәм әдәбият сөючеләр Яңа Татар бистәсе зиратында халкыбызның бөек шагыйре Г.Тукайның каберен зиярәт кылды, чәчәкләр салды. Шагыйрьнең рухына багышлап Коръән укылды.
Искә алу мәрасимен Татарстан Язучылар берлеге рәисе Ркаил Зәйдулла ачып җибәрде һәм алып барды. Мәрасимдә шулай ук Татарстан Мәдәният министры урынбасары Дамир Натфуллин, Татарстанның халык артисты Илдус Әхмәтҗан, каләм ияләре Зиннур Мансуров, Мөхәммәт Мирза, Газинур Морат, Ләбиб Лерон чыгыш ясады.
Яңа комментарий өстәргә