Муса Җәлил исемендәге премиягә лаек булучыларның исемнәрен Татарстан Язучылар берлеге рәисе Ркаил Зәйдулла атады.
«Дүрт номинациядә лауреатлар билгеләнде. «Шаян ТВ» телеканалы – зур популярлык казанды. Балаларны, яшүсмерләрне телебезгә җәлеп итте, төрле бәйгеләр үткәрә, яшь талантларны үстерү, телне, сәнгатьне, әдәбиятны популярлаштыра. Аннан соң, әдәбият буенча яңа лауреатыбыз – шагыйрь Рифат Сәлах, җыр сәнгатендә – җырчы Илүсә Хуҗина, театр сәнгатендә – Камал театры актерлары Фәннүр Мөхәммәтҗанов һәм Ләйсән Гатауллина», – диде ул.
Ркаил Зәйдулла премия ияләрен «лаеклы яшьләр» дип бәйләде һәм тәбрикләү сүзләрен әйтте.
«Муса Җәлил – горурлыгыбыз. Безнең илдә аның шигырьләре һәрвакыт актуаль булыр. Аның шигырьләрен укыганда күңелдә өмет уяна. Үзенең үлеме белән, үзеннән соң килгән буыннарга өмет уятып калдырган бөек шагыйрь ул», – диде Татарстан Милли музеенда чыгышында Язучылар берлеге рәисе.
https://tatar-inform.tatar
Яңа комментарий өстәргә