Казанның Абдулла Алиш исемендәге 20 нче гимназия мәйданында шагыйрь, язучы Абдулла Алишка бюст куелды. Тантананы гимназия директоры Рәхимә Арсланова ачты. Чарада Татарстан Язучылар берлеге рәисе Ркаил Зәйдулла, Казан шәһәре мәгариф идарәсе башлыгы урынбасары Альберт Әхмәтов, Абдулла Алиш премиясе лауреатлары, Абдулла Алишның оныгы Тимур Алмаз улы, Абдулла Алишның туганнары – Азат ага белән Гөлшат ханым Сөнкишевлар, бюстны иҗат иткән сынчы Зөлфия Мөхәммәдҗанова, журналистлар,укучылар катнашты.
Яңа комментарий өстәргә