Хәсән Туфан яшел карадан башка кара белән һич язмаган, диләр.
— Нихәлләрдә, Хәсән абый! — дип сораганнар Туфаннан.
— Язып булмый әле бу арада, — дигән шагыйрь.
— Авырыйсыңмы әллә?
— Юк, авырмыйм, – ди Туфан. — Карам бетте.
— Кибеттә кара күп бит, Хәсән абый! — дигәннәр аңа.
— Кибеттә зәңгәр дә кара төстәге кара гына, миңа яшел төслесе кирәк! — дигән остаз.
Гөнаһ шомлыгына күрә, ул айда кибетләргә яшел кара чыкмаган була. Хәсән Туфан Пермь шәһәреннән яшел кара кайтарта.
(Сибгат Хәким авызыннан. 1983, 14 ноябрь)
Рабит Батулла