8 нче август көнне, Әгерҗе районы Исәнбай авылында Татарстан Язучылар берлеге әгъзасы, Татарстанның атказанган мәдәният хезмәткәре, шагыйрә Әлфирә Низамованың яңа китабы басылып чыгу уңаеннан, “Бер уч яктылык” дип исемләнгән китап бәйрәмендә Татарстан Язучылар берлеге рәисенең урынбасары – Чаллы язучылар берлеге җитәкчесе, күренекле әдип Факил Сафин; шагыйрә Лилия Гыйбадуллина; язучы Әлфия Ситдыйкова катнашты. Факил Сафин каләмдәшебезне Татарстан Язучылар берлеге рәисе, Дәүләт Советы депутаты, Халык шагыйре Ркаил Зәйдулла һәм барлык язучылар исеменнән яңа китабы белән котлап, аңа Рәхмәт хаты тапшырды.
Яңа комментарий өстәргә