Башкортстанның Чишмә районы музеенда татар халкының каһарман шагыйре Рәхим Саттарга багышланган күргәзмә ачылды, район үзәгендә аның исемен йөрткән урамда истәлек тактасы куелды. Район халкы күптән көтелгән бу вакыйганы шатланып кабул итте. Башкортстан Дәүләт Корылтаеның мәгариф, мәдәният, яшьләр сәясәте һәм спорт мәсьәләләре буенча комитет рәисе, Чишмә районы тумасы милләттәшебез Раил Әсәдуллин үзенең кереш сүзендә: “Рәхим Саттар кебек фидакарь җанлы шагыйрьләрне бөек халык кына тудыра ала”, – диде. Күргәзмәне Татарстан Милли музее хезмәткәрләре әзерләде.
Яңа комментарий өстәргә